وزیرخارجہ ٹلرسن کی جاپان اور جمہوریہ کوریا کے وزرائے خارجہ سے بات چیت

محکمہ خارجہ کی ترجمان ہیدا نوئرٹ کے مطابق وزیرخارجہ ٹلرسن نے جاپانی وزیرخارجہ تارو کونو اور جمہوریہ کوریا کے وزیرخارجہ کانگ کیونگ وا سے ٹیلی فون پر فرداً فرداً بات چیت کی جس میں شمالی کوریا کی جانب سے جاپانی فضائی حدود کے اوپر سے کیا گیا میزائل تجربہ زیربحث آیا۔

اس موقع پر تینوں وزرائے خارجہ میں اس بات پر اتفاق پایا گیا کہ یہ حملہ شمالی کوریا کی اشتعال انگیزی میں شدت اور اس کی جانب سے امریکہ، جاپان، جمہوریہ کوریا اور دنیا بھر کے ممالک کو لاحق خطرات کا اظہار ہے۔

وزیرخارجہ ٹلرسن نے اپنے ہم منصب کونو اور کانگ سے گفتگو میں جاپان اور جمہوریہ کوریا کے ساتھ اتحاد کی مضبوطی اور ان کے دفاع کی بابت امریکہ کے آہنی عزم کا اعادہ کیا۔

وزیرخارجہ ٹلرسن اور دونوں وزراء میں اتفاق پایا گیا کہ شمالی کوریا پر دباؤ بڑھانے کے لیے قریبی باہمی تعاون جاری رکھا جائے گا تاکہ شمالی کوریا کی حکومت کو باور کرایا جائے کہ اس کی جانب سے سلامتی کونسل کی قراردادوں کی مسلسل خلاف ورزی کا نتیجہ عالمی برادری کی جانب سے مذمت اور تنہائی کی صورت میں ہی نکلے گا۔