اے ایم یو اولڈ بوائز ایسوسی ایشن الیکشن 9 ستمبر کو

نئی دہلی: علی گڑھ مسلم یونیورسٹی اولڈ بوائز ایسوسی ایشن کا الیکشن برائے 20-2018 آئندہ اتوار 9 ستمبر کو ہوگا۔ اس کی اطلاع محمد ناصر ایڈووکیٹ نے ایک پریس ریلیز کے ذریعہ دی۔ انھوں نے اس سلسلے میں بتایا کہ اے ایم یو اولڈ بوائز ایسوسی ایشن الیکشن برائے 20-2018 کا انعقاد K.K.C (کوی راج خزان چند) کوئٹہ DAV سینئر سیکنڈری اسکول نظام الدین ایسٹ میں کیا جائے گا۔ ووٹ ڈالنے کا وقت صبح 9 بجے سے شام 5 تک مقرر کیا گیا ہے۔

پریس ریلیز کے مطابق اس الیکشن میں ریٹرننگ آفیسر کے فرائض خود محمد ناصر ایڈووکیٹ انجام دیں گے۔انھوں نے اے ایم یو اولڈ بوائز ایسوسی ایشن کے ممبران، جن کے نام کا اندراج ووٹر لسٹ میں ہو چکا ہے، سے گزارش کی ہے کہ مقررہ وقت پر ووٹ ڈالنے کیلئے سنٹر پر پہنچیں اور اے ایم یو اولڈ بوائز ایسو سی ایشن برائے 20-2018 کے انتخاب میں اپنا اہم کردار ادا کریں۔