کیوں گاندھی کی راہ چلنا مودی کے لئے ناممکن ہے؟

آج ہم اس شخص کی سالگرہ منا رہے ہیں جو دنیا کی عظیم ترین شخصیات میں شاہل تھا۔ گاندھی جینتی کے موقع پر ان قدروں اور خیالات کو یاد کرنا بہت ضروری ہے جس کے لئے گاندھی جی نے اپنی زندگی کو قربان کر دیا۔ مہاتما گاندھی کے خیالات اور فلسلہ کو جتنی مضبوطی سے سمجھنے کی ضرورت اور اس پر عمل کرنے کی ضرورت ہے اتنی ہی ضرورت اس بات کی بھی ہے کہ ان لوگوں کو گاندھی کا نام استعمال کرنے سے روکا جائے جنہوں نے گاندھی کے خیالات کا قتل کیا ہے۔

مرکزی حکومت گاندھی جینتی کو ’سوچھ بھارت دیوس‘ کے طور پر منا رہی ہے تاکہ اس کے ’سوچھ بھارت ابھیان ‘ کو عوامی حمایت حاصل ہو سکے ۔ لیکن یہ حقیقت ہے کہ سوچھ بھارت ابھیان ابھی تک ناکام ثابت ہوا ہے۔ اتنا ہی نہیں حکومت نے ایسے اشتہارات پیش کر دئے ہیں جن میں مہاتما گاندھی اور وزیر اعظم نریندر مودی کو برابر دکھایا گیا ہے۔ کاش ، اگر آج گاندھی جی ہوتے تو انہوں نے یقینی طور پر ایسے پوسٹروں اور اشتہارات کی مذمت کی ہوتی ۔

دراصل اس تشہیر کا سوچھ بھارت ابھیان سے کوئی لینا دینا نہیں ہے یہ تو سازش ہے گاندھی جی کے نام کا اپنے مقصد کے لئے استعمال کرنے کی۔ اس سے یہ بھی ثابت ہوتا ہے کہ بی جے پی کی بنیادی تنظیم گاندھی جی کو لے کر کتنا دوہرا رویہ دکھاتا رہا ہے۔ ہمیں یہ نہیں بھولنا چاہئے کہ گاندھی جی کا قاتل ناتھو رام گوڈسے ایک وقت میں آ را یس ایس کا رکن تھا۔ گاندھی جی کے قتل میں اس کے پکڑے جانے پر سنگھ نے اسے اپنانے سے انکار کر دیا تھا لیکن اس کے بھائی گوپال گوڈسے نے جنوری 1994 کو فرنٹ لائن میگزین کو دئے انٹر ویو میں صاف کہا تھا کہ اس کا بھائی آر ایس ایس کا رکن تھا۔ اس نے کہا تھا:

ہمیں آج کے دن یہ بھی یاد کرنا ہوگتا کہ گاندھی جی کے قتل کے بعد آر ایس ایس کے ارکان نے مٹھائیاں بانٹی تھیں اور آر ایس ایس پر پابندی بھی لگائی گئی تھی۔ سنگھ کا کنبہ یا اس کی سیاسی شاخ بی جے پی کو گاندھی جی کی تعریف کرنے میں بہت مشکل ہوتی ہے۔ سنگھ کے لئے بائبل اور گیتا کے جیسی کتاب ’بنچ آف ٹھاٹس‘ کے مصنف اور آر ایس ایس کے دورے سر سنگھ چالک اور اس کے اہم مفکر ایم ایس گولولکر نے تحریر کیا ہے کہ:

اس کے علاوہ گاندھی جی کی جنگ آزادی کی تحریک پر گولولکر کے خیالات تو مزید غیر اخلاقی ہیں۔ گولولکر نے کہا ہے، ’’ کانگریس کی قیادت والی تحریک کا ملک پر بے حد تباہ کن اور خطرناک اثر ہا ہے۔ گزشتہ کچھ دہائیوں میں اور آج بھی، ہمارے ملک پر جو بھی آفتیں آئی ہیں یا بری قوتوں کا حملہ ہوا ہے یہ سب اسی تحریک کا نتیجہ ہے۔‘‘

آر ایس ایس گاندھی جی کے عدم تشدد کے نظریہ کی ہمیشہ تنقید کرتا رہا ہے اور سنگھ نے اسے نامردی کا نام دیا ہے۔ سنگھ پریوار کے ارکان کے لئے ہندو – مسلم اتحاد اور سوکولرازم ایک گالی کی طرح ہے۔ جبکہ گاندھی جی انہیں قدروں کے لئے جدو جہد کرتے رہے۔

آج بی جے پی اور اس کی حکومت کو گاندھی جی کی ضرورت آن پڑی ہے تاکہ اس کی جملہ بازی جاری رہ سکے۔ لیکن اس سب سے اس کا دوگلا پن اور دماغی دیوالیہ پن پی ظاہر ہوتا ہے۔ وزیر اعظم دل سے سنگھی ہیں اور شاکھا سے نکلے شخص ہیں۔ ملک کی سیاست میں ان کا عروج آ رایس ایس کی حمایت کا نتیجہ ہے۔ مذہبی اقلیتوں کے تعلق سے مودی کے خیالات باقائدہ درج ہیں اور سب جانتے ہیں، انہیں یہاں دہرانے کی ضرورت نہیں ہے۔

اس گاندھی جینی پر جب مودی مہاتما گاندھی کے تعلق سے اپنا بڑبولاپن دکھائیں گے تو مہیشی کی طرح ان کی آواز کا کھوکھلاپن صاف نظر آئے گا۔ ملک کو حقیقت معلوم ہے اور ان کا نفاق زیادہ دنوں تک چلنے والا نہیں۔