بھارت جوڑو یاترا کی سالگرہ: دہلی، یوپی، بہار، جموں و کشمیر سمیت سبھی ریاستوں میں نکلی خصوصی یاترائیں، دیکھیں تصویری جھلکیاں

گزشتہ سال یعنی 2022 میں کانگریس کے سابق صدر راہل گاندھی کی قیادت میں ’بھارت جوڑو یاترا‘ 7 ستمبر کو نکالی گئی تھی، جو کنیاکماری سے ملک کی مختلف ریاستوں کا دورہ کرتے ہوئے کشمیر پہنچ کر ختم ہوئی تھی۔ آج اس پیدل یاترا کے ایک سال مکمل ہو گئے ہیں اور اس موقع پر ملک کی سبھی ریاستوں میں خصوصی یاترائیں نکالی گئیں۔ جب راہل گاندھی نے یہ یاترا نکالی تھی تو طرح طرح کی باتیں ہو رہی تھیں کہ یاترا مکمل ہوگی یا نہیں، لیکن کئی ماہ تک چلی یہ یاترا نہ صرف کامیاب ہوئی، بلکہ پورے ملک میں اتحاد و بھائی چارہ کا پیغام پھیلانے کا مقصد بھی پورا ہوا۔ یہی وجہ ہے کہ جب اس یاترا کی سالگرہ مکمل ہوئی تو کانگریس نے سبھی ریاستوں میں ضلعی سطح پر کئی خصوصی یاترائیں نکالیں اور عوام کے درمیان خیر سگالی، محبت، بھائی چارہ اور یگانگت کا پیغام ایک بار پھر مضبوطی کے ساتھ رکھا۔ آئیے نیچے دیکھتے ہیں ملک کی مختلف ریاستوں میں نکالی گئی یاتراؤں کی جھلکیاں۔ یہ یاترائیں کسی ریاست میں شدید گرمی کے درمیان نکالی گئیں، تو کہیں بارش میں بھی یاترائیں نکلیں۔