پاکستان میں اس مرتبہ عازمین حج کے لئے قرعہ اندازی نہیں ہوگی، تمام درخواست گزاروں کو بھیجنے کا اعلان

اسلام آباد: حکومت پاکستان نے اعلان کیا ہے کہ اس سال عازمین حج کے لئے اس سال کوئی قرعہ اندازی نہیں ہوگی، حکومت نے حج کے لئے تمام 72869 درخواست گزاروں کو بھیجنے کا اعلان کر دیا۔ یہ اعلان وفاقی وزیرخزانہ اسحاق ڈار اور وزیر مذہبی امور مفتی عبدالشکور نے جمعرات کو اسلام آباد میں میڈیا کے نمائندوں بات کرتے ہوئے کیا۔

سینیٹر اسحاق ڈار نے کہا کہ اس سال حج کے لئے ریگولر سکیم کے تحت 44190 کا کوٹہ تھا۔ حج 2023 کے لیے 72869 درخواستیں جمع کرائی گئیں۔ وزیر خزانہ نے کہا کہ کوٹے سے تقریبا 37 ہزار زیادہ درخواستیں موصول ہوئی ہیں قرعہ اندازی کے بغیردرخواستیں دینے والے تمام 72869 عازمین کوبھیجا جائے گا۔

انھوں نے کہا کہ وزیر اعظم کی ہدایت اوروزیر مذہبی امور کی خواہش پر اقدام اٹھایا گیا ہے ا س کے لیے اضافی وسائل اورزرمبادلہ کی ضرورت ہوگی۔ وفاقی وزیر مذہبی امور نے کہا کہ درخواستیں دینے والے تمام عازمین کو اجازت دینے پر وزیر خزانہ کے شکر گزار ہیں۔