اسلام آبا د میں مندر تعمیر کے لیے پاکستان علما کونسل کی حمایت

اسلام آباد: پاکستان علما کونسل (پی یو سی) نے پاکستان کی راجدھانی اسلام آباد میں مندر کی تعمیر کی حمایت کرتے ہوئے کہا کہ اسے متنازعہ معاملہ بنانا غلط ہے۔ پاکستانی اخبار ڈان نے پی یو سی کے صدر محمد طاہر محمود اشرفی کے حوالے سے اپنی رپورٹ میں کہا کہ ہم مندر کی تعمیر کے معاملہ پر تنازعہ کی مذمت کرتے ہیں۔ یہ انتہا پسند مولویوں کی طرف سے کیا جا رہا ہے، جو صحیح نہیں ہے۔ پی یو سی ایک میٹنگ بلائے اور اس میں ہم کونسل کے خیالات رکھیں گے۔

انہوں نے کہا کہ پاکستان کے آئین میں ملک میں مقیم مسلمانوں اور غیرمسلمانوں کے حقوق کو مرحلہ وار طریقہ سے پیش کیا گیا ہے۔ آئین اور شرعیہ دونوں میں ملک میں رہنے والے غیرمسلموں کو اپنے مذہبی مقام کی تعمیر کرنے کا حق دیا گیا ہے۔

طاہر محمود اشرفی نے دعوی کیا کہ پی یو سی کا ملک میں آپسی ہم آہنگی قائم رکھنے میں اہم کردار رہا ہے۔ اس نے تشدد کے خلاف اور ملک کے غیرمسلم شہریوں کے خلاف انتہاپسندانہ سلوک کے خلاف آواز اٹھائی ہے۔ پی یو سی نے کئی مواقع پر مذہبی اقلیتوں سے متعلق توہین مذہب کے معاملات کو خارج کیا ہے اور جھوٹی شکایت درج کرانے کے لئے شکایت کنندہ کو وارننگ بھی دی ہے۔

انہوں نے کہا کہ ایسے لوگوں کے خلاف سخت کارروائی کی جانی چاہیے جو اپنے مفاد کے لئے توہین مذہب کے جھوٹے الزام لگاتے ہیں۔ انہوں نے زور دیا کہ غیرمسلم کمیونٹی کے مذہبی مقام تعمیر کرنے سے اسلام کو نقصان یا خطرہ نہیں ہے۔