شہباز شریف کے بیٹے حمزہ شہباز کو سپریم کورٹ سے بڑا جھٹکا، وزیر اعلیٰ پنجاب کے عہدے سے برطرف
پاکستانی سپریم کورٹ نے ڈپٹی اسپیکر کا فیصلہ کالعدم قرار دیتے ہوئے وزیر اعظم شہباز شریف کے صاحبزادے حمزہ شہباز کو پاکستان کے صوبہ پنجاب کے وزیر اعلیٰ کے عہدے سے برطرف کر دیا
اسلام آباد: پاکستانی وزیر اعظم شہباز شریف کے صاحبزادے حمزہ شہباز کو پاکستان کے صوبہ پنجاب کے وزیر اعلیٰ کے عہدے سے برطرف کرنے کا فیصلہ سنایا۔ سپریم کورٹ آف پاکستان نے منگل کے روز ڈپٹی سپیکر کا فیصلہ کالعدم قرار دیا۔ سپریم کورٹ کے اس فیصلے کے بعد چوہدری پرویز الٰہی کو پنجاب کا نیا وزیراعلیٰ مقرر کر دیا گیا ہے۔
مقامی میڈیا کے مطابق منگل کے روز سپریم کورٹ نے تاریخی فیصلہ سناتے ہوئے ملک کے وزیر اعظم شہباز شریف کے صاحبزادے حمزہ شریف کو بڑا جھٹکا دیا۔ حمزہ شہباز کی برطرفی کے بعد چوہدری پرویز الٰہی کی بطور وزیر اعلیٰ پنجاب تقرری کا راستہ صاف ہو گیا۔ سپریم کورٹ نے منگل کو فیصلہ سناتے ہوئے ڈپٹی سپیکر محمد مزاری کا فیصلہ کالعدم قرار دیا۔
سپریم کورٹ نے صوبہ پنجاب کے گورنر بلیغ الرحمان سے کہا ہے کہ وہ مسلم لیگ (ق) پارٹی کے رہنما چودھری پرویز الٰہی کو بطور وزیر اعلیٰ پنجاب حلف دلائیں۔ تین رکنی بینچ نے کہا کہ الیکشن میں حمزہ کے حق میں 179 ووٹ ڈالے گئے جب کہ الٰہی کے حق میں 186 ووٹ پڑے۔ اکثریت الٰہی کے حق میں ہے۔ اس لیے وہ صوبہ پنجاب کے وزیراعلیٰ ہوں گے۔
خیال رہے کہ حمزہ شریف نے ڈپٹی سپیکر مزاری کی مدد سے صوبہ پنجاب کے وزیراعلیٰ کا عہدہ سنبھالا تھا لیکن عمران خان کی جماعت پی ٹی آئی کی حمایت یافتہ مسلم لیگ (ق) نے اس تقرری کو غیر قانونی قرار دیتے ہوئے سپریم کورٹ سے رجوع کیا۔
دراصل، وزیراعلیٰ پنجاب کے انتخاب کے دوران میں ڈپٹی اسپیکر دوست محمد مزاری نے مسلم لیگ ق کے صدرچودھری شجاعت حسین کے لکھے گئے خط کا حوالہ دیتے ہوئے چودھری پرویزالٰہی کے حق میں ان کی جماعت کے دس ارکان اسمبلی کے ووٹ مسترد کر دیے تھے۔اس فیصلے نے حمزہ شہبازشریف کے حق میں توازن قائم کر دیا تھا لیکن سپریم کورٹ نے رات اپنے فیصلے میں ڈپٹی اسپیکر کی اس رولنگ کو کالعدم قرار دے دیا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔