’عمران کو پارٹی کے اراکین کے ساتھ جانوروں جیسا سلوک نہیں کرنا چاہیے‘

پاکستان تحریک انصاف (پی ٹی آئی) پارٹی کے ناراض رکن نور عالم خان نے کہا کہ وزیر اعظم عمران خان کو اپنی پارٹی کے اراکین کے ساتھ کتوں جیسا سلوک کرنا چھوڑ دینا چاہیے۔

جیو نیوز کے پروگرام میں گفتگو کرتے ہوئے مسٹر نور نے کہا کہ وزیر اعظم کو چاہیے کہ وہ پارٹی کے اراکین کا احترام کریں اور انھیں ہدایت نہ دیں۔

آرٹیکل 63 کے بارے میں بات کرتے ہوئے انہوں نے کہا ،’یہ آرٹیکل ان لوگوں پر نافذ ہوتا ہے جو اپنی پارٹی کے خلاف ووٹ کرتے ہیں۔ انہوں نے کہا کہ میں اب بھی قومی اسمبلی میں پی ٹی آئی کا رکن ہوں‘۔
قابل ذکر ہے کہ حکمراں جماعت پی ٹی آئی نے اپوزیشن کے ساتھ اتحاد کرنے کے الزام میں 13 ناراض اراکین اسمبلی کو وجہ بتاؤ نوٹس جاری کیا ہے۔ جیو نیوز کی رپورٹ کے مطابق، مسٹر نور اور دیگر ناراض اراکین اسمبلی کو مسٹر خان کے سامنے پیش ہونے کے لیے سات دن کا وقت دیا گیا ہے۔

اطلاعات کے مطابق تحریک انصاف سے تعلق رکھنے والے دو افراد نے مسٹر نور کو تحریک عدم اعتماد پر ووٹنگ سے قبل مسٹر عمران کے خلاف بیان دینے پر دھمکی دی ہے۔

دونوں رہنماؤں نے رکن اسمبلی کو ہراساں کیا اور انھیں پاکستان کے خلاف کام کرنے کے لیے مجرم ٹھہرایا۔

اس کے ساتھ ہی اپوزیشن پارٹیوں کی درخواست پر اتوار کو قومی اسمبلی کے اسپیکر اسد قیصر نے قومی اسمبلی کا اجلاس 25 مارچ کو صبح 11 بجے بلایاہے۔8 مارچ کو اپوزیشن پارٹیوں نے وزیراعظم عمران خان کے خلاف تحریک عدم اعتماد پیش کیا تھا۔