عام انتخابات سے قبل پاکستان میں پیٹرول ڈیزل کی قیمت میں اضافہ

پاکستان کی نگراں  حکومت نے عام انتخابات سے قبل پیٹرولیم مصنوعات کی قیمتیں بڑھاتے ہوئے پیٹرول کی فی لیٹر قیمت میں 13 روپے سے زائد کا اضافہ کردیا ہے۔ اس اضافہ کا اثر پاکستان میں ہونے والے عام انتخابات پر پڑے گا۔

ڈان کی رپورٹ کے مطابق 8 فروری کو ہونے والے عام انتخابات سے قبل پاکستانی حکومت نے پیٹرولیم مصنوعات بالخصوص پیٹرول کی قیمت میں بڑا اضافہ کردیا ہے۔ اس اضافہ کا سیدھا سیدھا فائدہ پاکستان کی حزب اختلاف کی جماعتوں کو پہنچے گا ، خاص طور سے عمران خان کی جماعت پاکستان تحریک انصاف (پی ٹی آئی) کو فائدہ پہنچے گا۔

وزارت خزانہ سے جاری اعلامیے کے مطابق پیٹرول کی قیمت میں 13 روپے 55 پیسے فی لیٹر کا اضافہ کردیا گیا ہے جس کے بعد پیٹرول کی نئی فی لیٹر قیمت 272 روپے 89 پیسے مقرر کر دی گئی ہے۔اسی طرح ہائی اسپیڈ ڈیزل کی قیمت میں بھی 2 روپے 75 پیسے فی لیٹر کا اضافہ کیا گیا ہے جس کے بعد ہائی اسپیڈ ڈیزل کی نئی قیمت 278 روپے 96 پیسے ہو گئی ہے۔