پاکستان: بشریٰ بی بی کے بیٹے پر بدعنوانی کا کیس درج، تقرریوں اور تبادلوں کے لیے رشوت لینے کا الزام

پاکستان تحریک انصاف پارٹی کے چیف عمران خان کی بیوی بشریٰ بی بی کے بیٹے ابراہیم مانیکا، پاکستانی پنجاب کے سابق وزیر اعلیٰ عثمان بجدار اور چھ دیگر کے خلاف لاہور میں اینٹی کرپشن اسٹیبلشمنٹ (اے سی ای) کے ذریعہ بدعنوانی کا معاملہ درج کیا گیا ہے۔ اے سی ای کے مطابق ملزم نے مختلف سرکاری محکموں میں اعلیٰ عہدوں پر فائز افسران کی تقرری اور تبادلوں کے لیے لاکھوں روپے کی رشوت لی۔ ایکسپریس ٹریبیون کی رپورٹ کے مطابق فرح گوگی کے ذریعہ مبینہ طور سے رشوت میں حاصل رقم جمع کی گئی اور مختلف بینکوں میں ڈالی گئی۔ اے سی ای نے اپنی ایف آئی آر میں کہا ہے کہ پاکستان نے اب تک تقریباً 450 ملین روپے کی وصولی کی ہے۔

ایف آئی آر میں کہا گیا ہے کہ ملزمین نے حکومت کے اندر اعلیٰ عہدوں پر فائز اشخاص کو تقرر کرنے اور ٹرانسفر کرنے کے لیے انھیں دی گئی قوتوں کا غلط استعمال کیا۔ مانیکا، بجدار، گوگی، سینئر بیوروکریٹ طاہر خورشید، احمد عزیز طرار، صالحہ سعید، عثمان معظم اور سہیل خواجہ کو نامزد کیا گیا ہے۔

رواں ہفتہ کے شروع میں شیرین مزاری اور علی حیدر زیدی سمیت پی ٹی آئی کے دیگر لیڈروں کی طرح بجدار نے بھی مبینہ طور پر اعلان کیا کہ وہ پی ٹی آئی کے ساتھ ساتھ سیاست بھی چھوڑ رہے ہیں۔ پاکستان میں 9 مئی کو ہوئے تشدد کے بعد انھوں نے یہ فیصلہ کیا تھا۔ انھوں نے پریس کانفرنس کو خطاب کرتے ہوئے کہا تھا کہ 9 مئی کو دیکھی گئی بربریت کی مذمت کی، اور کہا کہ وہ ہمیشہ پاکستانی فوج کے ساتھ کھڑے رہے ہیں اور ہمیشہ کھڑے رہیں گے۔ پنجاب کے متنازعہ سابق وزیر اعلیٰ نے کہا کہ وہ ہمیشہ خیر سگالی کی سیاست میں یقین کرتے ہیں اور انھوں نے سبھی اسٹیک ہولڈرس سے نااتفاقی کو دور کرنے اور ملک کی بھلائی کے لیے کام کرنے کی گزارش کی۔