پاکستان: پیشاور میں نمازِ جمعہ کے دوران خود کش دھماکہ، 30 افراد جاں بحق

پاکستان کے پیشاور واقع ایک مسجد میں نمازِ جمعہ کے دوران ہوئے خودکش بم دھماکے میں کم از کم 30 لوگوں کی موت ہو گئی اور 50 سے زائد افراد زخمی ہو گئے۔ پولیس ذرائع نے خبر رساں ایجنسی سنہوا کو بتایا کہ دھماکہ شہر کے کوچہ رسالدار علاقے میں موجود مسجد کے اندر جمعہ کی نماز کے دوران ہوا۔ بچاؤ ٹیم، پولیس اور سیکورٹی فورسز موقع پر پہنچ گئے ہیں اور زخمیوں کو قریبی اسپتال میں داخل کرایا ہے۔

اس خودکش حملہ کے تعلق سے فی الحال کسی تنظیم یا شخص نے ذمہ داری قبول نہیں کی ہے۔ ان کے دفتر نے ایک بیان میں کہا کہ وزیر اعظم عمران خان نے حملے کی سخت مذمت کی ہے اور زخمیوں کو فوراً علاج مہیا کرانے کی ہدایت دی ہے۔ وزیر داخلہ شیخ رشید نے بھی اس حملے کی مذمت کی اور کہا کہ انھوں نے مقامی چیف سکریٹری اور پولیس ڈائریکٹر جنرل کو اس سلسلے میں تفصیلی رپورٹ سونپنے کی ہدایت دی ہے۔