ویانا میں دو مسجدوں پر آخر کیوں لگایا گیا تالا!

ویانا: آسٹریا کی حکومت نے ویانا دو مسجدوں کو بند کر دیا ہے۔ یہ قدم رواں ہفتے ہونے والے اس حملے کے بعد اٹھایا گیا ہے جس میں فائرنگ کے دوران چار لوگوں کی جانوں کا زیاں ہوا تھا۔ بتایا گیا ہے کہ حملہ آور کا ان مساجد میں آنا جانا تھا۔

گزشتہ ایک دہائی میں آسٹریا میں ہونے والا یہ بدترین حملہ تھا جس میں پیر کو ایک 20 سالہ حملہ آور نے یہاں فائرنگ کرکے 4 لوگوں کو ہلاک کردیا تھا۔ حملے کے بعد حکام نے جہاں ملک بھر میں سیکورٹی سخت کردی ہے، وہیں ان دو مساجد کو بھی بند کردیا ہے جہاں حملہ آور کا آنا جانا تھا۔

اس دوران انسداد دہشت گردی آپریشنز کے سربراہ کو معطل کردیا گیا ہے اور ان کے خلاف تحقیقات کی جارہی ہیں۔ خیال رہے کہ مقدونیہ نژاد حملہ آور آسٹریائی شہری تھا۔ قبل ازیں داعش میں شمولیت کی کوشش پر اسے سزا بھی دی گئی تھی۔