وسط ایشیا اور دنیا کے لیے خطرہ بنے گا طالبان، فہیم دشتی نے کیا آگاہ

پنج شیر واقع نیشنل ریزسٹنس فرنٹ آف افغانستان (این آر ایف) کے ایک سینئر رکن فہیم دشتی نے کہا ہے کہ طالبان کے جنگوؤں نے کابل اور بیشتر افغانستان پر قبضہ کر لیا ہے، جو وسط ایشیا اور دنیا کے لیے خطرہ ثابت ہوگا۔ انھوں نے پوری دنیا کے ساتھ ہی خصوصی طور پر روس کو اس خطرے سے آگاہ کیا ہے۔

پنج شیر کے شیر کہے جانے والے آنجہانی کمانڈر احمد شاہ مسعود کے قریبی رہے فہیم دشتی نے پنج شیر وادی سے ’دی ماسکو ٹائمز‘ کو فون پر بتایا کہ روس کو طالبان کے عروج کے بارے میں فکرمند ہونا چاہیے۔ ملک دہشت گردی کا ایک مرکز بن جائے گا، جو وسط ایشیا اور روس کو ہی خطرے میں ڈال دے گا۔

پنج شیر وادی میں طالبان کو چیلنج دے رہے این آر ایف کی قیادت اس وقت احمد شاہ مسعود کے بیٹے احمس مسعود کر رہے ہیں جو ایک طاقتور کمانڈر تھے، جنھوں نے سابق سوویت یونین کے خلاف مخالفت کی قیادت کی تھی۔ دشتی، احمد شاہ مسعود کے قریبی معاون تھے، جن کی 9 ستمبر 2001 کو القاعدہ اور طالبان کے ذریعہ کیے گئے ایک خودکش بم دھماکہ میں قتل کر دیا گیا تھا، جس میں مسعود بھی زخمی ہو گیا تھا۔ وہ اب مارے گئے کمانڈر کے بیٹے کے ترجمان کی شکل میں کام کرتے ہیں۔

بدھ کے روز روس کے وزیر دفاع سرگیئی شوئیگو نے کہا تھا کہ طالبان کے ذریعہ سب سے بڑا خطرہ ہتھیاروں کی بھاری تعداد پر قبضہ ہے، جسے گروپوں نے اپنے قبضے میں کر لیا ہے، کیونکہ امریکی فوج جلدبازی میں سب کچھ چھوڑ کر ملک سے باہر نکل گئی ہے۔ سرگیئی شوئیگو نے کہا کہ ’’پہلا اور بڑا خطرہ یہ ہے کہ طالبان کو بھاری مقدار میں اسلحے ملے ہیں۔‘‘ ان کا ماننا ہے کہ اب ان کے پاس سینکڑوں بکتربند گاڑیاں، طیارے اور ہیلی کاپٹر ہیں۔