جنوبی برازیل میں بس الٹنے سے سات افراد ہلاک، درجنوں زخمی

ساؤ پالو: برازیل کی جنوبی ریاست پرانا میں منگل کو اگوازو آبشار کے لیے جانے والی ایک بس الٹنے سے کم از کم سات افراد ہلاک اور 22 دیگر زخمی ہو گئے۔ پولیس کے مطابق پرانا کی وفاقی شاہراہ پر 54 افراد کو لے جانے والی بس سانتا کیٹرینا ریاست کے دارالحکومت فلوریانو پولیس سے روانہ ہوئی تھی، جو ارجنٹینا اور پیراگوئے کی سرحد سے متصل برازیل کے شہر فوزڈواگواکو کے آگے جنوب کی طرف جارہی تھی۔

پولیس کی رپورٹ میں کہا گیا ہے کہ وایاکاؤ کیٹریننس کمپنی کے ذریعے چلائی جانے والی بس ہائی وے سے دور ہوگئی اور فرنانڈیس پنہیرو کے مرکزی پرانا شہر میں ایک پہاڑی سے نیچے جاگری۔ مقامی فائر ڈیپارٹمنٹ نے صحافیوں کو بتایا کہ مرنے والوں میں ارجنٹینا کی ایک ماں اور اس کی تین سالہ بیٹی شامل ہیں۔

مقامی حکام نے حادثے کی وجہ جاننے کے لیے تحقیقات شروع کر دی ہیں، جس میں ایک اور گاڑی بھی شامل تھی۔ ایک زندہ بچ جانے والے مسافر الیگزینڈرو ڈی اولیویرا گمارو نے بتایا کہ اس نے حادثے کے بعد بس ڈرائیور سے بات کی اور ڈرائیور نے اس بات کا اعتراف کیا کہ وہ سو گیا تھا۔