روس نے گوگل پر 137,600 ڈالر جرمانہ کیا

جنگ صرف توپوں اور میزائلوں سے نہیں لڑی جا رہی بلکہ جنگ سوشل میڈیا پر بھی لڑی جا رہی ہے۔یوکرین سوشل میڈیا کا اپنے حساب سے استعمال کر رہا ہے اور روس اپنے حساب سے۔ لیکن جس طرح روس نے گوگل پر جرمانہ عائد کیا ہے اس سے یہ اندازہ لگایا جا سکتا ہے کہ یوکرین سوشل میڈیا میں کافی حد تک روس کو پریشان کرنے میں کامیاب ہو رہا ہے۔

ماسکو کی ایک عدالت نے یوکرین میں جاری روسی حفاظتی اہلکاروں کی خصوصی فوجی مہم کے بارے میں یوٹیوب پر جھوٹے اور غلط مواد پیش کرنے والے ویڈیوز پر دنیا کے سب سے بڑے سرچ انجن گوگل پر چالیس لاکھ روبل (49900 ڈالر) کا جرمانہ عائد کیا ہے اور اس کے ساتھ ہی روس میں دہشت گردانہ حملوں اور توڑ پھوڑ کے لیے اکسانے والے ویڈیوز کے لیے 70 لاکھ روبل (87700) کا جرمانہ لگایا ہے۔

جسٹس تیمور وکرامیف نے اپنے فیصلے میں کہا کہ عدالت نے گوگل کو روسی انتظامی کوڈ کے آرٹیکل 13.41 کے پارٹ 2 کے تحت انتظامی جرم کا مرتکب پایا اور 40 ملین روبل کے جرمانے کا حکم دیا۔

گوگل کو یوکرین میں روس کی کارروائی کے دوران ہلاکتوں اور شہریوں کی ہلاکتوں کے بارے میں غلط معلومات پھیلانے والی یوٹیوب ویڈیوز کا قصوروار پایا گیا ہے۔