نکی ہیلی نے پہلی پرائمری فتح کے ساتھ ڈونلڈ ٹرمپ کی جیت کی دوڑ پر روک لگائی

نکی ہیلی نے اتوار کو واشنگٹن ڈی سی میں ریپبلکن صدارتی پرائمری جیت کر اپنی پہلی کامیابی حاصل  کی اور یہ انہوں نے اس وقت حاصل کی  جب وہ ڈونالڈ ٹرمپ کے خلاف اپنی دوڑ برقرار رکھنے کے لئے جدو جہد کر رہی ہیں۔ امریکہ  کے دارالحکومت میں ہیلی کی علامتی فتح امریکی نامزدگی کے طویل عمل کے ایک فیصلہ کن دن سے عین قبل سامنے آئی ہے ۔

واشنگٹن ایک مضبوط ڈیموکریٹک شہر ہے جس میں بہت کم تعداد میں رجسٹرڈ ریپبلکن ہیں۔ہیلی نے اسے جیت لیا ہے۔سیاسی مبصرین کے مطابق، ہیلی نے صرف ایک جگہ پر منعقدہ پرائمری میں 63 فیصد ووٹ حاصل کیے۔ ٹرمپ کے خلاف 2020 کے انتخابات میں اس وقت کے امیدوار جو بائیڈن نے واشنگٹن میں 92 فیصد ووٹ حاصل کیے تھے۔

اس شہر نے کبھی بھی ریپبلکن صدارتی امیدوار کے لیے اکثریتی ووٹ حاصل نہیں کیا۔ہیلی کی مہم نے ایک بیان جاری کیا جس میں کہا گیا ہے کہ "یہ حیرت کی بات نہیں ہے کہ واشنگٹن ریپبلکن ڈونالڈ ٹرمپ اور ان کے تمام افراتفری کو مسترد کر رہے ہیں۔"

توقع ہے کہ ٹرمپ کو ریپبلکن پارٹی کی صدارتی نامزدگی حاصل  ہو جائے گی  کیونکہ  اس نے پہلے ہی تمام ابتدائی ریاستی پرائمریوں میں کامیابی حاصل کر لی ہے۔