دنیا کو نمبروں کے باکسز یعنی ’سوڈوکو‘ میں الجھانے والے ماکی کاجی کا انتقال

سوڈوکو کے بارے میں کون نہیں جانتا ہوگا، لیکن یہ لوگ کم ہی لوگ جانتے ہوں گے کہ یہ کھیل جاپانی ہے، اور اس سے بھی کم لوگ یہ جانتے ہوں گے کہ اس کے بانی کا نام ماکی کاجی ہے۔ افسوسناک خبر یہ ہے کہ 69 سالہ ماکی کاجی اب اس دنیا میں نہیں رہے، لیکن ان کے ذریعہ بنائی گئی ریاضی کی پہیلی پر مبنی کھیل پوری دنیا میں مشہور ہو چکا ہے۔

دلچسپ بات یہ ہے کہ ریاضی پر مشتمل بے مثال کھیل تیار کرنے اور اس خانہ نما کھیل میں دنیا کو پھنسانے والے ماکی کاجی یونیورسٹی ڈراپ آؤٹ تھے۔ وہ جاپان کی ایک پرنٹنگ کمپنی میں کام کرتے تھے۔ بعد میں انھوں نے اپنی خود کی پہیلی میگزین کی شروعات کی۔ ماکی کاجی کے ذریعہ نمبروں کے باکسز والے کھیل کا نام ’سوڈوکو‘ رکھے جانے کے پیچھے بھی ایک دلچسپ کہانی ہے۔ دراصل جاپانی زبان میں سوڈوکو کا مطلب ہوتا ہے ’ہر نمبر سنگل ہونا چاہیے‘۔ انھوں نے اسے 80 کی دہائی کے وسط میں بنایا تھا۔

سوڈوکو کے گاڈ فادر کی شکل میں مشہور کاجی نے یہ پہیلی بچوں کے لیے تیار کی تھی، یا پھر ان لوگوں کے لیے جو بہت زیادہ سوچنا پسند نہیں کرتے تھے۔ اس کھیل کا نام نمبروں کے جاپانی کردار سے بنا ہوا ہے۔ اس میں کھلاڑی صف ستونوں اور بلاک میں بغیر دہرائے 1 سے 9 تک کے نمبر بھرتے ہیں۔ قابل غور بات یہ ہے کہ 2004 میں سوڈوکو عالمی سطح پر سرخیوں میں اس وقت آیا جب نیوزی لینڈ کے ایک شیدائی نے آگے آ کر اسے برطانوی اخبار ’دی ٹائمز‘ میں شائع کروایا۔ کاجی اپنی پہیلی کمپنی نکولی کمپنی کے جولائی تک چیف ایگزیکٹیو تھے۔ ان کا یہاں مٹاکا میں 10 اگست کو انتقال ہو گیا اور کس قدر افسوس کا مقام ہے کہ اس کی خبر کافی دیر سے دنیا میں پھیلی۔ بتایا جاتا ہے کہ کاجی پیٹ کے کینسر میں مبتلا تھے۔