آسٹریلیا میں ’گوبھی سکینڈل‘ نے قومی بحران کی شکل اختیار کر لی؟

سڈنی: آسٹریلیا کے وزیر اعظم نے وہ برگر سلاد پتے یعنی لیٹش کی بڑھتی قیمت پر بات کرنے کے لیے کو اعلیٰ حکام کا اجلاس طلب کر لیا ہے۔ انہوں نے یہ اجلاس مقامی ’کے ایف سی‘ کی جانب سے برگر میں سلاد پتے کی جگہ ’بند گوبھی‘ ڈالنے کے اعلان کے بعد طلب کیا۔

مرکزی بائیں بازو کے رہنما انٹنی البانیز نے فاسٹ فوڈ چین کے فیصلے کو ’پاگل پن‘ قرار دیا اور طنزیہ انداز میں کہا کہ صورتحال ایک ’قومی بحران‘ کی شکل اختیار کر چکی ہے۔

خیال رہے کہ حالیہ سیلاب اور عالمی سطح پر ایندھن کی بڑھتی قیمتوں کی وجہ سے آسٹریلیا کے شہروں میں لیٹش کی قیمتوں میں 300 فیصد تک اضافہ ہوا ہے۔ سڈنی اور میلبورن میں آئس برگ لیٹش کی قیمت 2 ڈالر سے بڑھ کر 8 ڈالر تک پہنچ گئی ہے۔

’کے ایف سی‘ ریستورانوں نے آسٹریلوی صارفین کو مطلع کیا ہے کہ وہ اپنی مصنوعات میں لیٹش کو ایک ایسے مرکب کے حق میں کم کریں گے جو گوبھی اور لیٹش کے ساتھ یکساں طور پر مل جائے۔ البانیز نے سڈنی میں ایف ایم ریڈیو کو بتایا کہ گوبھی لیٹش جیسی نہیں ہے۔ یہ ایک غلط فیصلہ ہے۔ انہوں نے مزید کہا کہ میں آج کی کابینہ کے اجلاس کے ایجنڈے میں ’’گوبھی سکینڈل' کا معاملہ اٹھاؤں گا۔‘‘