سپریم کورٹ: کالیجیم کی میٹنگ آج ہونے کی امید

نئی دہلی: سپریم کورٹ کی کالیجیم میں شامل دوسرے سب سے زیادہ سینئر جج جسٹس چیلامیشور کی طرف سے چیف جسٹس دیپک مشرا کو لکھے گئے نئے خط کے پس منظر میں آج کالیجیم کی میٹنگ ہونے کی امید ہے۔

جسٹس چیلامیشور کو چھوڑ کر کالیجیم کے تین دیگر اراکین جسٹس رنجن گوگوئی، جسٹس کورئن جوزف اور جسٹس مدن بی لوکور نے بدھ کو چیف جسٹس سے ان کے چیمبر میں ملاقا ت کی تھی اور پروسیس میمو (ایم او پی) پربات چیت کی تھی۔

جج چیلامیشور چھٹی پر تھے اس لئے وہ تینوں ججوں کے ساتھ موجود نہیں رہ سکے۔ اس کے باوجود انہوں نے خط لکھ کر اتراکھنڈ ہائی کورٹ کے چیف جسٹس کے ایم جوزف کا نام کالیجیم کے ذریعہ عدالت عظمی کے جج کے طورپر پھر سے بھیجنے کا مشورہ دیا ہے۔

کالیجیم کے چار اراکین کے جج کے ایم جوزف کے نام پر متفق ہونے کے بعد چیف جسٹس پر کالیجیم کی ایک اور میٹنگ پھر سے بلانے کے لئے دباؤ بڑھ گیا ہے۔

خیال رہے کہ اگر کالیجیم پھر سے جسٹس کے ایم جوزف کے نام کی سفارش بھیجتا ہے تو حکومت کو اسے ماننا پڑے گا۔