اہم خبریں: حکومت کی ترجیح نوجوانوں کے لئے روزگار ہونا چاہئے، ناکہ شہریوں کی جاسوسی! پرینکا گاندھی

بگوٹا: کولمبیا کے کواکیٹا علاقے کے گورنر آرنلفو گاسکا تروجیلو کے قافلے کے راستے میں دیسی ساختہ بم دھماکے میں دو پولیس اہلکار ہلاک اور تین دیگر زخمی ہوگئے۔ نیشنل پولیس چیف جنرل جارج لوئس ورگاس والینسیا نے اتوار کو یہ اطلاع دی۔ انہوں نے ٹوئٹ کیا کہ "ہم اس بزدلانہ دہشت گردانہ کارروائی کی مذمت کرتے ہیں جس کی وجہ سے آج کواکیٹا میں ہمارے گشتی ارکان ولیم ایکویریا اور میگوئل برنال کی موت واقع ہوئی۔" پولیس چیف کا کہنا تھا کہ واقعہ کے بعد پولیس اہلکاروں نے گورنر آرنلفو گاسکا ترجیلو کو گھیرے میں لے لیا۔ حملے میں گورنر کو کوئی نقصان نہیں پہنچا۔ انہیں کواکیٹا کے دارالحکومت فلورنسیا میں فوج کے ایک بریگیڈ میں منتقل کر دیا گیا ہے۔

گزشتہ چار سالوں میں بے تحاشہ بے روزگاری پر مبنی ایک رپورٹ پر تبصرہ کرتے ہوئے کانگریس کی جنرل سکریٹری پرینکا گاندھی نے کہا کہ حکومت کی ترجیح روزگار ہونا چاہئے لیکن وہ ملک کے شہریوں کی جاسوسی کرنے میں مصروف ہے۔ پرینکا گاندھی نے ٹوئٹر پر لکھا، ’’حکومت کی ترجیح ہونی چاہئے نوجوانوں کے لئے ملازمت لیکن بی جے پی حکومت کی ترجیح شہریوں کی جاسوس ہے۔ ملک کو نوجوان ایجنڈہ چاہئے، ملک کو نوجوانوں کے لئے روزگار کا روڈ میپ چاہئے۔

پرینکا گاندھی نے ٹوئٹ کے ساتھ ایک خبر کا اسکرین شاٹ بھی شیئر کیا ہے جس کے مطابق ملک میں 3.03 کروڑ نوجوان بے روزگار ہیں اور یہ تعداد لاک ڈاؤن کے دور سے بھی زیادہ ہے۔

دہلی کی ایک عدالت نے 'بُلّی بائی' ایپ کے تخلیق کار نیرج بشنوئی کی درخواست ضمانت نامنظور کر دی ہے۔ نیرج بشنوئی ہر ایپ کے ذریعے مسلم خواتین صحافیوں کو بدسلوکی کا نشانہ بنانے اور ان کی توہین کرنے کا الزام ہے۔ عدالت نے یہ مشاہدہ کرتے ہوئے درخواست کو نامنظور کیا کہ ملزم کے عمل سے فرقہ وارانہ ہم آہنگی یقینی طور پر برا اثر پڑے گا۔

آل انڈیا کانگریس کمیٹی نے اتوار کے روز منگلورو سے پارتی کے رکن اسمبلی یو ٹی قادر کو کرناٹک اسمبلی میں کانگریس قانون ساز پارٹی کا نائب قائد مقرر کیا ہے۔ اے آئی سی سی کے جنرل سکریٹری کے سی وینوگوپال کے ذریعہ جاری کردہ ایک پریس بیان میں یہ اطلاع فراہم کی گئی۔ قادر منگلورو سے چار مرتبہ رکن اسمبلی منتخب ہو چکے ہیں اور ریاست کی گزشتہ کانگریس حکومت میں وزیر صحت، شہری ترقیات اور ہاؤسنگ کے وزیر کے طور پر خدمات انجام دے چکے ہیں۔

جموں وکشمیر پولیس اور فوج نے ضلع پونچھ کے شندرا علاقے میں مشترکہ آپریشن کے دوران 250 ڈٹونیٹر برآمد کرکے اُنہیں بعد میں تباہ کیا۔ پولیس ذرائع نے بتایا کہ ضلع پونچھ کے شندرا علاقے میں ملی ٹینسی مخالف آپریشنز کے دوران ایک مشتبہ بیگ برآمد ہوا۔

انہوں نے بتایا کہ تلاشی کے دوران بیگ سے قریباً 250 ڈٹونیٹر برآمد ہوئے جس کے بعد بم ڈسپوزل اسکارڈ کو طلب کیا گیا۔ پولیس ذرائع کے مطابق بی ڈی ایس ٹیم نے بعد میں ان سبھی ڈٹونیٹرس کو تباہ کیا۔

چھتیس گڑھ کے وزیر اعلیٰ بھوپیش بگھیل نے کہا ہے کہ دہلی سے امر جوان جیوتی کو بجھا دیا گیا ہے لیکن اب اسے چھتیس گڑھ میں روشن کیا جائے گا۔ انہوں نے کہا، ’’امر جوان جوتی کو بجھا دیا گیا۔ وہ لوگوں کے جذبات سے کھیل رہے ہیں۔ کانگریس امر جوان جیوتی کو چھتیس گڑھ لے کر آئے گی۔ راہل گاندھی 3 فروری کو اس کا سنگ بنیاد رکھیں گے۔‘‘

بھوپیش بگھیل نے کہا، ’’کانگریس کا نظریہ گاندھی سے متاثر ہے، یہ سچائی اور عدم تشدد پر مبنی ہے، جبکہ مودی جی کا نظریہ ساورکر اور گوڈسے سے متاثر ہے اور یہ تشدد اور سازش پر مبنی ہے۔ کانگریس اور بی جے پی ایک دریا کے دو کنارے ہیں۔‘‘

بابائے قوم مہاتما گاندھی کی برسی کے موقع پر کانگریس کے سابق صدر راہل گاندھی راج گھاٹ گئے اور باپو کو خراج عقیدت پیش کیا۔ اس سے قبل راہل گاندھی نے اپنے ٹوئٹ میں کہا کہ ایک ہندوتواوادی نے گاندھی جی کو گولی ماری تھی اور وہ ہمیشہ زندہ رہیں گے۔

مرکزی وزارت صحت کے تازہ اعدادوشمار کے مطابق ہندوستان میں گزشتہ 24 گھنٹوں کے دوران کورونا وائرس کے 2 لاکھ 34 ہزار 281 نئے معاملے درج کئے گئے۔ اس دوران 893 افراد کی جان چلی گئی، جبکہ 3 لاکھ 52 ہزار 784 مریضوں نے شفایابی حاصل کر لی۔

فی الحال ملک بھر میں کورونا کے فعال کیسز کی تعداد 18 لاکھ 84 ہزار 937 ہے جو کہ مجموعی کیسز کا 4.59 فیصد ہے۔ جبکہ یومیہ پازیٹوٹی کی شرح 14.50 فیصد تک پہنچ گئی ہے۔ ملک بھر میں کورونا ویکسین کی ایک ارب 65 کروڑ 70 لاکھ 60 ہزار سے زیادہ خوراکیں لگائی جا چکی ہیں۔

جموں و کشمیر میں گزشتہ 12 گھنٹوں میں دو مقامات پر ہونے والے تصادم میں کل 5 ملی ٹینٹ کو ہلاک کیا یگا ہے۔ مارے جانے والے ملی ٹینٹوں میں جیش محمد کا کمانڈر زاہد وانی اور ایک پاکستانی ملی ٹینٹ بھی شامل ہے۔ آئی جی پی کشمیر کے مطابق 4 ملی ٹینٹ پلوامہ جبکہ ایک ملی ٹینٹ بڈگام میں ہلاک کیا گیا اور تمام پانچوں ملی ٹینٹ پاکستان اسپانسرڈ تھے۔