بی جے پی صدر امت شاہ کی گھر واپسی

نئی دہلی: بھارتیہ جنتا پارٹی (بی جےپی) کے قومی صدر امت شاہ کو آل انڈیا میڈیکل سائنس انسٹی ٹیوٹ (ایمس) سے چھٹی مل گئی ہے اور وہ گھر لوٹ آئے ہیں۔ امت شاہ کو سوائن فلو کے علاج کے لئے بدھ کو ایمس میں داخل کرایا گیا تھا۔

پارٹی کے ترجمان انل بلونی نے اتوار کو ٹوئٹ کرکے یہ اطلاع دی۔ انہوں نے کہا، ’’یہ بےحد سکون اور خوشی کی بات ہے کہ ہمارے قومی صدر امت شاہ جی کو آج ایمس سے چھٹی مل گئی اور وہ گھر لوٹ آئے ہیں۔‘‘ انہوں نے امت شاہ کے خیر خواہ اور پارٹی کارکنا ن کا شکریہ ادا کیا۔

اس سے پہلے بدھ کو مسٹر شاہ نے ٹویٹر پر جاری اپنی پوسٹ میں کہا تھا کہ انہیں سوائن فلو ہوگیا ہے اور ان کا علاج چل رہا ہے۔انہوں نے ،’’بھگوان کے کرم سے اور اپنے خیر خواہوں کی محبت اور دعاؤں کی بدولت میں جلد ہی صحت مند ہوجاؤں گا۔‘‘