ویلنٹائن ڈے کی مخالفت کرنے والے 20 ہندوتوا کارکنان حراست میں
14 فروری کو ویلنٹائن ڈے پوری دنیا میں منایا جا رہا ہے اور ہندوستان میں بھی نوجوان اس کو لے کر پرجوش ہیں۔ لیکن ہندوتوا تنظیمیں ہر سال کی طرح اس سال بھی مخالفت میں کھڑی نظر آ رہی ہیں۔
گجرات کے شہر احمدآباد میں پولس نے آج ویلنٹائن ڈے کی مخالفت کرتے ہوئے عاشق و معشوق جوڑوں پر حملہ کرنے کی کوشش کرنے والے وشو ہندو پریشد (وی ایچ پی) اور بجرنگ دل کے تقریباً 20کارکنان کو حراست میں لے لیا ہے۔ دراصل 14 فروری کو ویلنٹائن ڈے پوری دنیا میں منایا جا رہا ہے اور ہندوستان میں بھی نوجوان اس کو لے کر پرجوش ہیں۔ لیکن ہندوتوا تنظیمیں ہر سال کی طرح اس سال بھی مخالفت میں کھڑی نظر آ رہی ہیں۔
احمد آباد پولس نے حراست میں لیے گئے لوگوں کا تذکرہ کرتے ہوئے بتایا کہ ہر سال کی طرح ویلنٹائن ڈے پر مخالفت کے خدشے کے پیش نظر احتیاط کے طورپر شہر کی سابرمتی ندی کے کنارے بنے ریورفرنٹ اور ایسے دیگر مقامات پر مناسب تعداد میں پولس تعینات کی گئی ہے۔ اسی کے تحت آج صبح شہر کے عثمان پورا علاقے میں ریورفرنٹ کے نزدیک مخالفت کرنے والے وی ایچ پی اور بجرنگ دل کے تقریباً 20کارکنان کو حراست میں لے لیا گیا ہے۔
(یو این آئی ان پٹ کے ساتھ)
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 14 Feb 2019, 2:09 PM