عالمی بینک نے ہندوستان کی شرح نمو کی پیشن گوئی کو کم کر کے 7.5 فیصد کیا

عالمی بینک نے رواں مالی سال کے لیے ہندوستان کی شرح نمو کی پیشن گوئی کو کم کرکے 7.5 فیصد کر دیا ہے۔ اس سے پہلے اس نے 23-2022 میں ہندوستان کی اقتصادی ترقی کی شرح 8.7 فیصد رہنے کا اندازہ لگایا تھا۔

عالمی بینک نے منگل کو عالمی اقتصادی امکانات پر اپنی رپورٹ میں اپنے گلوبل اکنامک پراسپیکٹس میں کہا کہ اس نے مہنگائی کے بڑھتے ہوئے دباؤ، سپلائی چین کی رکاوٹوں اور جغرافیائی سیاسی تناؤ سے پیدا ہونے والے چیلنجوں کے پیش نظر ہندوستان کی شرح نمو میں کمی کی پیشن گوئی کی ہے۔

عالمی بینک کا اندازہ ہے کہ مالی سال 24-2023 میں ہندوستان کی شرح نمو 7.1 فیصد رہ سکتی ہے، یہ اس کے پچھلے تخمینہ سے 0.30 فیصد زیادہ ہے۔ سابقہ ​​تخمینہ 6.8 فیصد تھا۔ رپورٹ میں اندازہ لگایا گیا ہے کہ سال 25-2024 میں ہندوستان کی جی ڈی پی کی شرح نمو 6.5 فیصد رہ سکتی ہے۔عالمی بینک نے 2022 کے لیے عالمی معیشت کی شرح نمو کی پیشن گوئی بھی 4.1 فیصد سے کم کر کے 2.9 فیصد کر دی ہے۔

عالمی بینک نے اپنی رپورٹ میں کہا کہ عالمی شرح نمو 2021 میں 5.7 فیصد سے کم ہو کر 2022 میں 2.9 فیصد تک آسکتی ہے۔ اس عالمی مالیاتی ادارے میں جنوری 2022 میں عالمی اقتصادی ترقی کا تخمینہ 4.1 فیصد لگایا گیا تھا۔