الیکشن کمیشن کو دیئے گئے ڈیٹا میں بانڈ کا مخصوص نمبر کیوں موجود نہیں؟ سپریم کورٹ میں ایس بی آئی کی سرزنش

الیکٹورل بانڈ معاملے پر سماعت کے دوران سپریم کورٹ نے آج (15 مارچ) کو الیکشن کو پورا ڈیٹا نہ دینے پر ایس بی آئی کی سخت سرزنش کی ہے۔ سپریم کورٹ نے بانڈ کے مخصوص نمبروں کو ظاہر نہ کرنے پر ایس بی آئی کو نوٹس جاری کیا۔ اس منفرد کوڈ سے عطیہ دہندگان کو سیاسی پارٹیوں کے ساتھ ملانے میں مدد ملے گی۔

چیف جسٹس ڈی وائی چندرچوڑ نے سوال کیا کہ  کہ اسٹیٹ بینک آف انڈیا (ایس بی آئی) نے عدالت کے واضح حکم کے باوجود الیکشن کمیشن کو دیے گئے ڈیٹا میں بانڈز پر درج مخصوص کوڈ کیوں نہیں دیا۔ عدالت نے انتخابی بانڈ پر مکمل ڈیٹا شیئر نہ کرنے پر اسٹیٹ بینک آف انڈیا (ایس بی آئی) کی سخت سرزنش کی۔

واضح رہے کہ الیکشن کمیشن کی جانب سے سپریم کورٹ میں دائر درخواست میں سپریم کورٹ کے 11 مارچ کو دیے گئے حکم نامے میں ترمیم کا مطالبہ کیا گیا ہے۔ اس میں آرڈر کے آپریٹو حصے میں کچھ وضاحت یا ترمیم مانگی گئی ہے۔ تاہم اس کی تفصیلی معلومات ابھی دستیاب نہیں ہیں۔

5 ججوں کی خصوصی بنچ نے اس کیس کی سماعت کی۔ اب اس معاملے کی اگلی سماعت پیر (18 مارچ) کو ہوگی۔ دراصل سپریم کورٹ نے اسٹیٹ بینک آف انڈیا کو انتخابی بانڈ خریدنے والے تمام لوگوں کے بارے میں معلومات الیکشن کمیشن کو فراہم کرنے کا حکم دیا تھا۔ ساتھ ہی الیکشن کمیشن کو یہ تمام معلومات اپنی ویب سائٹ پر اپ لوڈ کرنے کا حکم دیا گیا۔ الیکشن کمیشن نے اس پر عملدرآمد سے متعلق حکم نامے میں ترمیم سے متعلق درخواست دائر کی تھی جس پر یہ سماعت ہوئی۔