اندھیر ویکسین پالیسی، چوپٹ راجہ، جون میں 12 کروڑ ٹیکے کہاں سے آئیں گے؟ پرینکا گاندھی

نئی دہلی: کانگریس کی جنرل سکریٹری پرینکا گاندھی واڈرا نے جمعرات کو ملک بھر میں ویکسین کی کمی کی وجہ سے ویکسی نیشن کے مسئلے پر حکومت پر حملہ کرتے ہوئے کہا کہ وہ حقاقئ کو چھپانے کی کوشش کر رہی ہے جبکہ اصل صورتحال یہ ’چوپٹ راجا کی اندھیر پالیسی‘ کی طرح ہے۔

پرینکا گاندھی نے مئی کے مہینے میں ملک کی ویکسین کی گنجائش کی تفصیلات دیتے ہوئے کہا، ’’ویکسین کی پیداواری صلاحیت، 8.5 کروڑ۔ ویکسین کی پیداوار- 7.94 کروڑ، ویکسین لگائی گئی- 6.1 کروڑ ۔‘‘

جون کے لئے حکومتی دعوے کی تفصیلات دیتے ہوئے پرینکا گاندھی نے سرکار سے سوال کیا، ’’جون ماہ میں حکومت کا دعویٰ ہے کہ 12 کروڑ ٹیکے آئیں گے۔ پرینکا گاندھی نے کہا کہ کہاں سے آئیں گے؟ کیا دونوں ویکسین کمپنیوں کی پیداواری صلاحیت میں 40 فیصد کا اضافہ ہوا ہے؟ ویکسین کا بجٹ 35000 کروڑ کہاں خرچ ہوا؟ اندھیرویکسین پالیسی، چوپٹ راجہ‘‘۔