جب مرکزی وزیر خارجہ جے شنکر غلط مرکز پر ووٹ ڈالنے پہنچ گئے!
وزیر خارجہ ایس جے شنکر نے ووٹ ڈالنے کے بعد اپنی تصویر سوشل میڈیا پلیٹ فارم پر شیئر کی ہے۔ اس میں ان کے ہاتھ میں ایک سند بھی نظر آ رہی ہے
![<div class="paragraphs"><p>تصویر سوشل میڈیا</p></div>](https://media.assettype.com/qaumiawaz%2F2024-05%2F8a7583c7-1dde-4228-b507-a12c11b52b2d%2Fjaishankar01.jpg?rect=0%2C25%2C4000%2C2250&auto=format%2Ccompress&fmt=webp)
تصویر سوشل میڈیا
نئی دہلی: لوک سبھا انتخابات کے چھٹے مرحلے کے تحت دہلی کی تمام سات سیٹوں پر ووٹنگ ہو رہی ہے۔ دہلی میں کئی وی وی آئی پی لوگوں نے اپنا ووٹ ڈالا ہے۔ وزیر خارجہ ایس جے شنکر، کانگریس لیڈر راہل گاندھی، سونیا گاندھی، پرینکا گاندھی سمیت مختلف پارٹیوں کے لیڈروں نے اپنا حق رائے دہی استعمال کیا۔ تاہم، جب وزیر خارجہ جے شنکر صبح اپنا ووٹ ڈالنے آئے تو ایک بڑا مسئلہ ہو گیا۔
دراصل، وزیر خارجہ جے شنکر اپنا ووٹ ڈالنے کے لیے صبح سویرے پولنگ اسٹیشن پہنچے۔ وہاں 20 منٹ انتظار کرنے کے بعد انہیں معلوم ہوا کہ جس پولنگ اسٹیشن کے باہر وہ کھڑے تھے وہاں انہوں نے ووٹ نہیں ڈالنا تھا بلکہ ان کا پولنگ اسٹیشن کسی اور جگہ پر تھا۔ انہیں اس بات کا علم اس وقت ہوا جب ان کا نام ووٹنگ لسٹ میں نہیں ملا۔ یہی وجہ تھی کہ انہیں پہلی بار اپنا حق رائے دہی استعمال کیے بغیر واپس جانا پڑا۔
ہندوستان لائیو کی رپورٹ کے مطابق جے شنکر ہفتہ (25 مئی) کی صبح تغلق لین میں واقع اٹل آدرش اسکول میں ووٹ ڈالنے پہنچے تھے۔ انہوں نے وہاں 20 منٹ تک انتظار بھی کیا۔ تب عہدیداروں نے جے شنکر کو بتایا کہ ان کا نام ووٹنگ لسٹ میں نہیں ہے۔ اس کے بعد جب وزیر خارجہ گھر پہنچے تو انہیں معلوم ہوا کہ وہ غلط پولنگ اسٹیشن پر پہنچ گئے تھے اور انہیں ووٹ ڈالنے کے لیے دوسرے پولنگ اسٹیشن جانا پڑا۔
اسی دوران وہ گھر سے واپس پولنگ اسٹیشن پہنچے جہاں انہیں اپنا ووٹ کاسٹ کرنا تھا۔ یہاں انہوں نے اپنا حق رائے دہی استعمال کیا۔ وزیر خارجہ نے حلقہ 4 کے بوتھ نمبر 53 پر اپنا ووٹ ڈالا۔ وہ پہلے مرد ووٹر تھے جنہوں نے یہاں اپنا ووٹ ڈالا تھا۔ اس دوران انہیں ڈسٹرکٹ الیکشن آفس کی جانب سے ان کے پولنگ اسٹیشن پر پہلے مرد ووٹر کا سرٹیفکیٹ بھی دیا گیا۔ جے شنکر نے اپنی تصویر سوشل میڈیا پر شیئر کی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔