ہڑپا کے لوگوں کی زبان قدیم ایرانی زبان سے کب علیحدہ ہوئی!... وصی حیدر

(31 ویں قسط)

پرانی دراوڑ زبان کو سمجھنے کے بعد یہ سمجھنا آسان ہے کہ یہ پرانی ایران کے زغروس کے لوگوں کی زبان سے کب علیحدہ ہوئی۔ کیونکہ ان دونوں زبانوں میں بھیڑ اور بکری کے پالتو بننے کے بعد ہی ہوئی ہوگی، ان دونوں زبانوں میں ان جانوروں کے لئے ایک ہی طرح کے الفاظ استعمال ہوتے ہیں اس کے علاوہ کھیتی کی شروعات ہوچکنے کے بعد ہی ،کیونکہ ہالپوں سے اناج حاصل کرنے کے طریقہ کار اور ان کے لئے الفاظ بھی ایک جیسے ہیں۔ ان دونوں زبانوں کی علیحدگی زبانوں کی لکھائی(اسکرپٹ) کی ایجاد سے پہلے ہوئی ہوگی۔ اوپری اور نیچے کی حدوں کی وجہ نیچے بیان کی گئی ہے۔

ہم کو یہ معلوم ہے کہ بھیڑ اور بکری کے پالتو بنانے کا سب سے پرانہ ثبوت 7900 قبل مسیح کا زغروس پہاڑیوں کے گنج ڈر ہے کا ہے۔ یعنی 7900 قبل مسیح کے بعد ہی دونوں زبانیں علیحدہ علیحدہ علاقوں میں پھیلیں۔یہ بھی یقین سے معلوم ہے تصویروں کی شکل(Cuneiform) میں لکھائی کی ایجاد 3000 قبل مسیح کے آس پاس ہوئی۔ جس کا مطلب یہ ہوا کہ ان دونوں زبانوں(دراوڑ اور زغروسین ) کی علیحدگی 3000 قبل مسیح سے پہلے ہی ہوئی ہوگی۔

زبانوں کی تحقیقات کی تاریخ DNA کی معلومات سے بہت زیادہ پرانی ہے، لیکن یہ دلچسپ حسن اتفاق ہے کہ ہڑپا اور زغروس علاقہ کی زبانوں اور انسانی آبادی کی ملاوٹ کے اوقات کے بارے میں دونوں ایک ہی نتیجہ پر پہنچے۔ ہڑپا تہذیب کی دریافت 1920 کے آس پاس ہوئی لیکن اس سے بہت پہلے 1853 میں ایڈون نورس (جنھوں نے بیہشان لکھائی کو پڑھا) نے تامل زبان اور ایران کی ایلامائٹ زبان میں بہت ساری یکسانیت کا ذکر کیا ہے۔

زغروس کی الامائٹ اور پرانی دراوڑ زبان کے رشتہ کا سب سے تفصیلی و تحقیقاتی مضمون میک الپائن نے 1981 میں لکھا۔ یہ بہت ہی مشکل کام تھا کیونکہ الامائٹ کا اب پچھلے دو ہزار سال سے نہ کوئی لکھنے یا بولنے والا ہے۔ الامائٹ کا آخری نسخہ 450 قبل مسیح کا ہے۔ اس کے علاوہ یہ سب کا قیاس ہے کہ ان دونوں زبانوں میں علیحدگی چھ ہزار سال قبل مسیح میں ہوئی۔ میک الپائن نے الامائٹ کے 250 الفاظ میں ان الفاظ کا کوڈھونڈھا جو دراوڑ زبان میں بھی ہیں ، اس کا نتیجہ یہ نکلاہے کہ 40فیصد سے زیادہ الفاظ ایک جیسے ہیں۔ پھر وقت گزر نے کے ساتھ اورزیادہ یکسانیت کے ثبوت ملے ہیں۔

ان تحقیقات کا ایک نتیجہ پرانی دراوڑ زبانوں کا ہڑپا کی زبان سے ہے اور دوسرا اہم پہلو میسوپوٹامیا میں بولی جانے والی زبانوں کا (خاص کر اکاڈین سے) تمام درواڑ زبانوں سے ہے۔ مثال کے طور پر سرسوں کے بیج (جس سے تیل نکالا جاتا ہے) کا نام (اللو) ان زبانوں میں سے ایک ہے ، سرسوں کا پودا ہڑپا سے ہی میسوپوٹامیا پہنچا ہے۔

یہ سوال ہے کہ وہ زبانیں (انڈو-یوروپین ) جو اب اس تمام علاقہ میں ر ائج ہیں ان کا پرانہ نسخہ ہڑپا کی زبان تھی، تمام ماہرین کا یہ ماننا ہے کہ انڈو-یورپین زبانیں 2000 قبل مسیح کے بعد ہی ایشیا کے چراگاہوں سے آنے والے لوگ لائے اور یہ وقت ہڑپا کی تہذیب کے زوال کا ہے۔ جنیٹکس کے پرانے DNA کی تحقیقات بھی یہی ثابت کرتی ہے کہ ایشیا کی چراگاہوں سے آنے والے لوگ ہڑپا تہذیب کے ڈھلتے وقت ہی آئے اور وہ اپنے ساتھ سنسکرت کا پرانہ نسخہ اور اپنے ساتھ مختلف رسم ورواج ، خاص کر دیوتاؤں کے لئے قربانی دینے کے رواج کوساتھ لے کر آئے۔ سب سے پرانے وید(رگ وید) میں ان رواجوں کا ذکر ہے اور یہ لوگ اپنے کو آرین کہتے تھے۔

مختصراً نتیجہ یہ ہے کہ ہڑپا کے لوگوں کا آرین سے اور نہ ہی سنسکرت زبان سے کوئی تعلق ہے یہ لوگ ویدا کی تشکیل سے آرین کے آنے سے پہلے کے لوگ تھے۔