سنجے سنگھ کو ابھی تک حلف لینے کے لیے نہیں بلایا گیا

عام آدمی پارٹی (عآپ) کی پریشانیاں ختم ہونے کا نام لے رہی ہیں ۔ اس پارٹی کے سیاست داں جیل میں بند ہیں۔ عام آدمی پارٹی  کے رہنما سنجے سنگھ، جو ایکسائز پالیسی کیس میں جیل میں ہیں، کو راجیہ سبھا کی رکنیت کا حلف لینے کے لیے ابھی تک نہیں بلایا گیا ہے۔

سنجے سنگھ کے 8 یا 9 فروری کو حلف لینے کی خبروں پر ذرائع نے منگل کو بتایا کہ انہیں راجیہ سبھا نے ابھی تک حلف لینے کے لیے نہیں بلایا ہے، اس لیے ان کے حلف لینے کا سوال ہی پیدا نہیں ہوتا ہے۔

ذرائع نے بتایا کہ سنجے سنگھ کی راجیہ سبھا سے معطلی کا معاملہ 11 اگست کو ایوان کی استحقاق کمیٹی کو بھیجا گیا تھا۔ کمیٹی کی رپورٹ کی بنیاد پر ہی ایوان سنجے سنگھ کے بارے میں فیصلہ کرے گا، لیکن ابھی تک کمیٹی کی میٹنگ نہیں ہوئی ہے۔

سنجے سنگھ ایوان کے فیصلے کے بعد ہی حلف لے سکتے ہیں اور اس کے لیے انہیں راجیہ سبھا کی طرف سے سمن بھیجا جائے گا۔قابل ذکر ہے کہ سنجے سنگھ نے حلف لینے کے لیے پیر کو عدالت سے خصوصی اجازت لی تھی، لیکن وہ حلف نہیں لے سکے کیونکہ ان کا معاملہ ابھی تک استحقاق کمیٹی کے پاس زیر التوا ہے۔سنجےسنگھ کو عام آدمی پارٹی کی جانب سے گزشتہ ماہ دہلی سے راجیہ سبھا کے لیے منتخب کیا گیا تھا۔