’کیا ملک کو ایسے ہی چوکیدار چاہئیں‘، مایاوتی کا مودی اور یوگی پر نشانہ

لکھنؤ: بہوجن سماج پارٹی (بی ایس پی) کی سپریمو مایاوتی نے ٹویٹ کر کے ’رافیل‘ اور ’چوکیدار‘ کا ذکر کرتے ہوئے ایک بار پھر وزیر اعظم نریندر مودی اور اتر پردیش کے وزیر اعلی یوگی آدتیہ ناتھ کو نشانہ بنایا ۔

مایاوتی نے وزیر اعظم نریندر مودی کو نشانہ بناتے ہوئے جمعہ کو ٹویٹ کیا کہ ’’رافیل سودے کی فائل اگر چوری ہو گئی تو غم نہیں، لیکن ملک میں روزگار کی گھٹتی شرح اور بڑھتی ہوئی بے روزگاری اور غریب، مزدوروں کی حالت زار، کسانوں کی بدحالی وغیرہ کے سرکاری اعداد و شمار عوام می‍ں ظاہرنہیں ہونے چاہیے"۔

انہوں نے لکھا کہ ’’ووٹ یا چہرے کی خاطر ان اعداد و شمار کو چھپايے رکھنا ہے اور کیا ملک کو ایسا ہی چوکیدار چاہیئے؟‘‘

یوگی کے بارے میں بی ایس پی صدر نے لکھا ہے کہ ’’بی جے پی کے وزیر اور لیڈران پی ایم مسٹر مودی کی دیکھا دیکھی چوکیدار بن گئے ہیں مگر یوپی کے وزیر اعلی جیسے لوگ بڑے تذبذب میں ہیں کیا کریں؟ عوام کا خادم / یوگی رہیں یا اپنے کو چوکیدار اعلان کریں"۔
محترمہ مایاوتی نے آگے نصیحت دینے کے انداز میں لکھا ہے کہ "بی جے پی والے چاہے جو فیشن اختیار کریں، آئین / قانون کی رکھوالی بن کر کام کریں، عوام یہی چاہتے ہیں‘‘۔

واضح ر ہے کہ بی ایس پی صدر مایاوتی ہر دن ٹویٹ کر کے یا بیان جاری کر کے وزیر اعظم نریندر مودی اور یوگی آدتیہ ناتھ پر نکتہ چینی کرتی رہتی ہیں۔