بی جے پی کو مرکز میں صفر پر سمیٹ دیا جائے گا: ممتا

كیشياری: مغربی بنگال کی وزیر اعلی ممتا بنرجی نے کہا ہے کہ بھارتیہ جنتا پارٹی (بی جے پی) کو مرکز میں صفر پرسمیٹ دیا جائے گا۔

ریاست کے ضلع مغرب مدنی پور میں ایک جلسے سے خطاب کرتے ہوئے محترمہ بنرجی نے کہا، ’’ہم اس سے پہلے مارکسی کمیونسٹ پارٹی (سی پی ایم) کو اکھاڑ چکے ہیں۔ ہم بی جے پی کے ساتھ بھی ایسا ہی کریں گے۔‘‘

انہوں نے کہا، ’’دہلی سے کچھ لیڈر یہاں موسمی پرندوں کی طرح آتے ہیں اور کشیدگی پیدا کرتے ہیں۔ ہم لوگوں کے ساتھ پورے سال کھڑے رہتے ہیں۔ وہ تباہ کن اور تقسیم کرنے والی سیاست پر یقین رکھتے ہیں۔ ‘‘

انہوں نے کہا، ’’جب وہ اقتدار میں آئے تو ایک غریب پان والے کا قتل کر دیا گیا۔ ہم نے اس کے بیٹے کو نوکری دی اور خاندان کے ساتھ مضبوطی سے کھڑے رہے۔ "

ترنمول کانگریس کی صدر نے کہا، "آج جب ہم اس میٹنگ کے لئے آ رہے تھے تو انہوں نے ہمارے ایک کارکن کو پیٹ دیا۔ اعتماد اچھی بات ہے لیکن ضرورت سے زیادہ خوداعتمادی اچھی نہیں ہے۔ آپ نے ترنمول پر حملہ کرکے بہت بڑی غلطی کی ہے. "