جمنا کے پانی کی سطح آہستہ آہستہ کم ہو رہی ہے: کیجریوال

نئی دہلی: دہلی کے وزیر اعلی اروند کیجریوال نے ہفتہ کے روز کہا کہ یمنا میں پانی کی سطح آہستہ آہستہ کم ہو رہی ہے اور جلد ہی حالات معمول پر آجائیں گے۔ ٹوئٹر پر کیجریوال نے لکھا کہ دریائے جمنا کے پانی کی سطح آہستہ آہستہ کم ہو رہی ہے۔ دوبارہ موسلا دھار بارش نہ ہوئی تو حالات جلد معمول پر آجائیں گے۔ چندروال اور وزیرآباد واٹر ٹریٹمنٹ پلانٹس سے پانی نکالنا شروع کر دیا۔ دونوں پلانٹس کل تک کام شروع کر دیں گے۔

اروند کیجریوال نے لوگون سے اپیل کی کہ برائے مہربانی خیال رکھیں اور ایک دوسرے کی مدد کریں۔"بہت سی جگہوں سے اطلاعات ہیں کہ کچھ لوگ پانی میں کھیل رہے ہیں یا پانی میں تیر رہے ہیں یا ویڈیو/سیلفی لینے جا رہے ہیں۔ براہِ مہربانی ایسا نہ کریں۔ یہ جان لیوا ہو سکتا ہے۔ سیلاب کا خطرہ ابھی ختم نہیں ہوا۔ پانی کی رفتار بہت تیز ہے۔ پانی کسی بھی وقت بڑھ سکتا ہے۔

ریونیو وزیر آتشی نے چیف سکریٹری کو ایک خط لکھا ہے جس میں ان سے کہا گیا ہے کہ وہ فوری طور پر پانی کی قلت، بجلی کی قلت، سیلاب کے امدادی کیمپوں میں کھانے کے خراب معیار کو فوراً ٹھیک کریں۔ اتنا ہی نہیں، آتشی نے وزیراعلیٰ کو ہدایت دی کہ کسی بھی ایسے افسر کے خلاف کارروائی کریں جس کی لاپرواہی سے ان کیمپوں میں لوگوں کو پریشانی ہو سکتی ہے۔