’وسیم رضوی کا آیات مقدسہ کو قرآن سے نکالنے کا مطالبہ جارحانہ اشتعال انگیز حرکت‘

پرتاپ گڑھ: قرآن پوری کائنات و انسانیت کے لیئے ایک بہترین نمونہ ہے جو انسان کو کیسے زندگی بسر کرنا چاہئے سکھاتا ہے، اور فلاح ورحم کی دعوت دیتا ہے۔ آج وسیم رضوی نے قرآن کی مقدسہ آیات کو نکالنے کے لیئے سپرم کورٹ میں رٹ داخل کرکے ایک مرتبہ پھر اسلام ،و پوری انسانیت کے خلاف جارحانہ اشتعال انگیز حرکت کی ہے جو کسی بھی مذہب کے لیئے قابل قبول نہیں ہے ۔ پیس پارٹی کے قومی صدر ڈاکٹر ایوب سرجن نے جاری بیان میں مذکورہ تاثرات کا اظہار کیا ۔

ڈاکٹر ایوب سرجن شیعہ وقف بورڈ کے سابق چیئرمین وسیم رضوی کی مجنون حرکت کی سخت الفاظ میں مذمت کرتے ہوئے کہا کہ سپرم کورٹ میں قرآن سے 26 مقدسہ آیات کو ہٹانے کی عرضی داخل کر پورے عالم اسلام کے جذبات کو مجروح کرنے کا کام کیا ہے ۔ وسیم رضوی ایک جاہل و احمق شخص ہے وہ بدعنوانی کے جرم سے اپنی گردن بچانے و اسلام دشمن تنظیموں کو خوش کرنے کے لیئے یہ کام کر رہا ہے۔

سیاسی مفاد و کرسی کی لالچ نے اس کو پاگل بنا دیا جس کے سبب وہ ایسی اسلام و انسانیت مخالف حرکت کر رہا ہے ۔ چیئر مین کی کرسی پر رہتے وقت اس نے جو قانون مخالف کام کیا ہے اس کی سی بی آئ جانچ چل رہی ہے ،جس سے بچنے کے لیئے وہ ایسی اسلام مخالف حرکت کررہا ہے تاکہ اس کو راحت مل سکے پر یہ ممکن نہیں۔

وسیم رضوی کو کیا معلوم نہیں جس قرآن کو پڑھ کر پوری دنیا میں روز بروز کثیر تعداد میں لوگ اسلام کے قریب آرہے تو وہ قرآن دہشت گردی کا درس کیسے دے سکتا ہے ۔جو قرآن ایک ادنیٰ سے جانور چونٹی لیئے رحم کا درس دیتا ہے تو وہ کسی انسان کو قتل کا کیسے درس دے سکتا ہے۔

قرآن انسانیت کی بقاء و تحفظ کے لیئے جہاں اتنا سخت ہے وہ دہشت گردی کا درس کیا دے سکتا ہے ؟ وسیم رضوی اپنے ذاتی مفاد اور سیای وجود کے لیئے فرقہ وارانہ منافرت پھیلانے والا بیان مسلسل دے رہا ہے ،جس کا اسلام قرآن و حدیث پیغمبر کی روشنی میں دور دور تک کوئ واسطہ نہیں ہے۔ انہوں نے کہا کہ قرآن میں ایک حرف بلکہ زبر ریر میں بھی ترمیم کرنے والا یا ایسی سوچ رکھنے والا ہرگز مسلمان نہیں ہو سکتا ۔اسلام دفاع کا حکم دیتا ہے ، جنگ کی پہل کرنے کی سخت ممانعت ہے۔

قرآن کی آیتیں و اس کے احکامات میں ابتدا سے تا قیامت تک کسی طرح کی ردّو بدل کی کوئ گنجائش نہیں ہے ،اس کی حفاظت کی ذمہ داری خود الللہ نے لی ہے ۔جس کا محافظ خود الللہ ہے اس کو کون مٹا سکتا ہے ۔انہوں نے حکومت سے مطالبہ کیا کہ وسیم رضوی کو اس سیکولر ملک میں منافرت پھیلانے کے جرم میں سخت سے سخت سزا دی جائے۔