متعدد امتحانات کے پرچے لیک ہونے پر ورون گاندھی برہم، کہا- ’نوجوانوں کے مستقبل سے کھلواڑ کب تک؟‘

نئی دہلی: سب آرڈینیٹ سروسز سلیکشن کمیشن کے ذریعہ اتوار کو منعقدہ ریونیو اکاؤنٹنٹ بھرتی 2022 کے مرکزی امتحان میں نقل کرنے کی ویڈیو منظر عام پر آنے کے بعد تنازعہ پیدا ہو گیا ہے۔ پیپر لیک کے نتیجے میں امتحانی ہال میں کھلے عام نقل کی ویڈیو وائرل ہونے کے بعد اپوزیشن نے حملہ کیا ہے۔ تاہم اپوزیشن کے ساتھ ساتھ حکمراں جماعت کے رہنماؤں نے بھی سوالات اٹھانا شروع کر دیے ہیں۔

اپنی ہی حکومت پر سوال اٹھاتے ہوئے پیلی بھیت سے بی جے پی کے رکن پارلیمنٹ ورون گاندھی نے ٹوئٹ کیا، ’’یوپی پولیس، یو پی پی سی ایل، ٹیوبویل آپریٹر، پی ای ٹی، یو پی ٹی ای ٹی یو پی ٹی ای ٹی، بی ایڈ اور نیٹ وغیرہ امتحان کا پرچہ لیک ہونے کے بعد اب نقل مافیا ریونیو اکاؤنٹنٹ کے امتحان پر غلبہ حاصل کر لیا، آخر کب تک منظم تعلیمی مافیا نوجوانوں کے مستقبل سے کھیلتا رہے گا، یہ انتہائی افسوسناک ہے!‘‘

بی جے پی رکن اسمبلی سے پہلے یوپی کے سابق وزیر اعلی اکھلیش یادو نے بھی معاملے میں ریاست کی بی جے پی حکومت کو گھیر لیا تھا۔ انہوں نے ٹوئٹ کر کے کہا تھا کہ آج لیکھ پال بھرتی امتحان کا پرچہ بھی لیک ہو گیا، اب لگتا ہے کہ امیدواروں کا یہ الزام سچ ہے کہ یہ سب بی جے پی حکومت کی چال ہے تاکہ کوئی امتحان مکمل نہ ہو سکے اور لوگوں کو نوکریاں نہ ملیں، تاکہ نوجوان سرمایہ داروں کے پاس مزدور چپراسی بن کر رہیں۔ بی جے پی تنخواہ اور پنشن کے خلاف ہے۔"

غور طلب ہے کہ اتر پردیش پولیس کی اسپیشل ٹاسک فورس (ایس ٹی ایف) نے اتوار کو ریاست کے مختلف اضلاع میں منعقد ریونیو اکاؤنٹنٹ کی بھرتی کے امتحان میں امیدواروں سے بھاری رقم لی، جس میں امتحان کے تقدس کی خلاف ورزی کرنے والے امیدوار بھی شامل ہیں۔ بہار کے رہائشی سالور (سوال حل کرنے والے) سمیت کل 21 افراد گرفتار کو گرفتار کیا گیا ہے۔