الٰہ آباد ہائی کورٹ سے ڈاکٹر کفیل خان کو ملی ضمانت

گورکھپور کے بی آر ڈی کالج و اسپتال میں آکسیجن کی کمی سے گزشتہ سال کئی بچوں کی موت کے معاملے میں جیل میں بند ڈاکٹر کفیل خان کو الٰہ آباد ہائی کوٹ سے بالآخر ضمانت مل گئی۔ ڈاکٹر کفیل خان کو 2 ستمبر 2017 کو گرفتار کیا گیا تھا۔ ان کے خلاف پولس نے تعزیرات ہند کی دفعہ 409، 308 اور 120 بی کے تحت فرد جرم داخل کی تھی۔ ان الزامات میں تاحیات قید کی سزا کا انتظام ہے۔

اس سے قبل ڈاکٹر کفیل خان کی ضمانت عرضی خصوصی جج (پریوینشن آف کرپشن ایکٹ) کی عدالت سمیت دیگر ذیلی عدالتوں سے خارج ہو چکی تھی۔ اس کے بعد ضمانت کے لیے انھوں نے الٰہ آباد ہائی کورٹ میں درخواست دی تھی جس پر سماعت کرتے ہوئے عدالت نے انھیں ضمانت دے دی۔