لکھنؤ-آگرہ ایکسپریس وے پر کار ٹرک سے ٹکرائی، 8 کی موت

آگرہ: اترپردیش کے ضلع فتح پور میں لکھنؤ۔آگرہ ایکسرپریس وے پر ایک تیز رفتار کار نے بے قابو ہوکر اپنے آگے جا رہے ٹرک کو ٹکر ماری دی اس حادثے میں 08 افراد کی موت ہوگئی۔

پولس ذرائع کے مطابق جونپور کے بدلاپور دیو رائے پور باشندہ سدافل یادو کا ر سے اپنے ساتھیوں کے ساتھ آگرہ امبیڈکر یونیورسٹی میں انٹرویو دینے جارہے تھے۔ وہ جونپور سے آگرہ کے لئے بدھ کی رات تقریباً دس بجے نکلے تھے۔ صبح آٹھ بجے آگرہ لکھنؤ ایکسپریس وے کے سنگ میل نمبر 37.02 پر پہنچتے ہی ان کی کار بے قابو ہوگئی اور آگے جارہے ٹرک سے جاٹکرائی۔ ٹکر اتنی شدید تھی کہ کار پرخچے اڑ گئے۔

اس حادثے میں 06 افراد کی موقع پر ہی موت ہوگئی جبکہ دو زخمیوں نے علاج کے لئے اسپتال لے جاتے وقت راستے میں دم توڑ دیا۔ مہلوکین میں سات کا تعلق جونپور سے ہے جبکہ ایک اعظم گڑھ کا رہنے والا ہے۔ مرنے والوں کی شناخت جونپور باشندہ سدافل یادو، کملیش یادو، اکھلیش یادو، راجیش یادو، راکیش، ناگیش یادو، انل کمار یادو اور اعظم گڑھ باشندہ کملیش کمار پانڈے کے طور پر ہوئی ہے۔