بے دم قاسم کو مارتے رہے شرپسند عناصر، پولس دیکھتی رہی تماشا

اتر پردیش کے پلكھوا میں گئو کشی کے شک میں قاسم قتل معاملے میں حیران کر دینے والی تصویر سامنے آئی ہے، جس وقت قاسم کو بھیڑ پیٹ رہی تھی اس وقت پولس جائے واردات پر موجود تھی، پولس کی موجودگی میں بری طرح زخمی قاسم کو بھیڑ نے گھسیٹا اور بے رحمی سے مارا، لیکن پولس تماشا دیکھتی رہی، یہ بات سوشل میڈیا پر وائرل ایک تصویر کے ذریعے سامنے آئی ہے، معاملہ سامنے آنے کے بعد یوپی پولس نے معافی بھی مانگی ہے، ساتھ ہی واقعہ کے وقت موقع پر موجود 3 پولس اہلکاروں کو معطل کر کر دیا ہے۔

قاسم قتل معاملہ: گائے کاٹنے کی افواہ نے ایک مسلمان کی پھر جان لے لی

یوپی پولس نے دعویٰ کیا ہے کہ جو تصویر سامنے آئی ہے، وہ جائے حادثہ پر پولس کے فوراً پہنچنے کے بعد کی ہے، پولس کا کہنا ہے کہ ایمبولینس نہیں ملنے کی وجہ سے نوجوان کو فوری طور پر ہسپتال لے جانے کی کوشش کی جا رہی تھی، تاہم موقع پر موجود پولس اہلکاروں کو انسانی طریقے سے کام کرنا چاہیے تھا۔

یہ بھی پڑھیں: یو پی: گئو کشی کی افواہ پر مسلم نوجوان کا پیٹ پیٹ کر قتل

غور طلب ہے کہ 19 جون کو پلكھوا کے بچھیڑا خورد گاؤں میں ہجوم نے گئو کشی کے شک میں قاسم نام کے شخص اور ان کے ساتھی کی بری طرح پٹائی کر دی تھی، بری طرح زخمی دونوں لوگوں کو اسپتال میں داخل کیا گیا تھا، لیکن علاج کے دوران قاسم کی موت ہو گئی تھی۔

واضح رہے کی سڑک کنارے بجھیڑا گاؤں میں کسی شخص نے قاسم کو پالتوجانور خریدنے کے لئے بلایا تھا ، جہاں گئو کشی کی افواہ سے بھیڑ جمع ہوگئی اور بیمار قاسم کاقتل کردیا۔