ان لاک-4 کی رہنما ہدایات: جانیں کیا کھلے گا اور کیا بند رہے گا؟

نئی دہلی: مرکزی وزارت داخلہ نے کورونا وبا کی وجہ سے پورے ملک میں مختلف مراحل میں نافذ کی گئی پابندیوں کو ختم کرنے کے سلسلہ کو آگے بڑھاتے ہوئے ہفتہ کے روز ان لاک۔4 سے متعلق رہنما ہدایات جاری کیں۔ دہلی میٹرو کو مختلف شرائط اور پروٹوکول کے ساتھ 7 ستمبر سے مرحلہ وار طریقہ سے چلانے کی اجازت دی گئی ہے۔ یہ پروٹوکول اور شرائط و ضوابط رہائش اور شہری امور کی وزارت، ریلوے وزارت اور مرکزی صحت اور خاندانی فلاح وبہبود وزارت آپس میں صلاح و مشورہ کرکے طے کریں گی۔

اسکول، کالج او ردیگر تعلیمی اور کوچنگ اداروں کو ریاستوں او رمرکز کے زیرانتظام ریاستوں کے ساتھ صلاح ومشورہ کے بنیاد پر 30 ستمبر تک بند رکھنے کا فیصلہ کیا گیا ہے۔ نئی رہنما ہدایات میں 21 ستمبر سے سماجی، تعلیمی، کھیل، ثقافتی، مذہبی اور سیاسی انعقاد کی اجازت دی گئی لیکن ان میں صرف 100 لوگ شامل ہوسکیں گے۔ تینوں وزارتیں مشترکہ طورپر میٹرو خدمات کو چلانے کے لئے معیاری آپریٹنگ طریقہ کار تیار کریں گی۔رہائش اور شہری امور کی وزارت آپریٹنگ طریقہ کار جاری کرے گی۔

اس درمیان دہلی میٹرو نے کہا ہے کہ وہ نئی رہنما ہدایات کے مطابق سات ستمبر سے مٹرو سروس شروع کرنے کے لئے تیار ہے اور اس سلسلہ میں معیاری آپریٹنگ طریقہ کار کا انتظار کررہی ہے۔ وزارت داخلہ کی طرف سے آج جاری رہنما ہدایات یکم ستمبر سے نافذ ہوں گی۔ یہ تمام رہنما ہدایات ریاستوں اور مرکز کے زیرانتظام ریاستوں، متعلقہ وزارتوں اور محکموں کے صلاح و مشورہ سے تیار کی گئی ہیں۔ رہنما ہدایات میں کہا گیا ہے کہ کورونا وبا کے سبب کنٹینمنٹ اعلان کئے گئے علاقوں میں مکمل لاک ڈاون کی پابندیوں کو سختی سے نافذ کیا جائے گا۔ نئی رہنما ہدایات میں اوپن ایئر تھیٹروں کو 21ستمبر سے کھولنے کی اجازت دی گئی ہے۔

مرکز نے تعلیمی اداروں کے بارے میں ریاستوں اور مرکز کے زیرانتظام ریاستوں کے ساتھ وسیع تبادلہ خیال کیا ہے جس کے بعد اسکول، کالجوں، دیگر تعلیمی اور کوچنگ اداروں کو آئندہ 30ستمبر تک بند رکھنے کا فیصلہ کیا گیا ہے۔اس دوران طلبا اسکول نہیں آئیں گے اور باقاعدہ کلاسز نہیں ہوں گی۔ آن لائن کلاسز پہلے کی طرح جاری رہیں گی اور ان کی حوصلہ افزائی کی جائے گی۔

حالانکہ ان رہنما ہدایات میں تعلیمی ادارو ں کے بارے میں کچھ رعایت بھی دی گئی ہے جو 21ستمبر سے نافذ ہوگی او ر اس کے لئے صحت اور خاندانی فلاح وبہبود کی وزارت الگ سے آپریٹنگ طریقہ کار جاری کرے گی۔ اس کے تحت ریاست اور مرکز کے زیرانتظام ریاستیں 50فیصد اساتذہ کو آن لائن کلاسز اور اس سے متعلق کاموں کے لئے اسکول بلا سکیں گی۔ ساتھ ہی کنٹینمنٹ زون کے باہر 9سے 12ویں کے طلبا کو رضاکارانہ طورپر رہنمائی کے لئے اسکول آنے کی اجازت دی جاسکتی ہے۔ اس کے لئے والدین کو تحریری رضامندی خط دینا ہوگا۔

ساتھ ہی قومی مہارت کی تربیت دینے والے اداروں اور آئی ٹی آئی اور اس طرح کے دیگر اداروں میں تربیت کی اجازت دی جائے گی۔ ساتھ ہی اعلی تعلیمی ادارے پی ایچ ڈی اور گریجوئیشن کی تعلیم کے لئے لیباریٹریوں اور تجرباتی کاموں کی اجازت دے سکیں گے۔ ان لاک۔4کی رہنما ہدایات میں بھی سنیما ہال، سوئمنگ پول، تفریحی پارک اور تھیئٹروں اور ایسی دیگر جگہوں کو ابھی بند رکھنے کا فیصلہ کیا گیا ہے حالانکہ اوپن تھیئٹر کھلیں گے۔

ساتھ ہی بین الاقوامی فضائی سفر پر ابھی پابندی جاری رہے گی اور صرف وزارت داخلہ کی اجازت سے ہی اس طرح کا سفر ہوسکے گا۔ نئی رہنما ہدایات میں 21 ستمبر سے سماجی، تربیتی، کھیل، ثقافتی، مذہبی اور سیاسی انعقاد کی اجازت دی گئی ہے لیکن انمیں صرف 100 لوگ شامل ہوسکیں گے۔ اس طرح کے انعقاد میں ماسک پہننا، سماجی دور ی قائم رکھنا اور تھرمل اسکیننگ اور سینی ٹائز ر کا استعمال ضروری ہوگا۔

وزارت صحت کی رہنما ہدایات کی بنیاد پر کنٹینمنٹ زون کا تعین کیا جائے گا اور ان علاقوں میں صرف ضروری سرگرمیوں کی اجازت د ی جائے گی۔کنٹینمنٹ زون کے باہر کوئی بھی ریاست مرکزی حکومت کی اجازت کے بغیر مکمل پابندی کے کے التزامات نافذ نہیں کرسکے گی۔

کووڈ۔19 کے منیجمنٹ کے لئے پورے ملک میں نافذ قومی ہدایات پر عمل لازمی ہوگا۔ ریاستوں کے اندر اور ایک سے دوسری ریاست میں لوگوں اور سامان کے آنے جانے پر کسی طرح کی پابندی نہیں رہے گی اور اس کے لئے کسی ای پاس کی ضرورت نہیں ہوگی۔ 65 برس سے زیادہ عمر کے لوگوں، سنگین بیماریوں سے متاثر لوگوں، حاملہ خواتین اور دس برس سے کم عمر کے بچوں کو گھروں میں رہنے کی صلاح دی گئی ہے۔ آروگیہ سیتو ایپ کے استعمال کو بھی مسلسل فروغ دیا جائے گا۔