یونیورسٹیوں اور کالجوں میں بھرتی کے ضابطے میں تبدیلی کے لیے یو جی سی کا ڈرافٹ تیار، تحقیق پر ہوگا زور

یونیورسٹی گرانٹس کمیشن (یو جی سی) جلد ہی یو جی سی فیکلٹی بھرتی ضابطہ کا ڈرافٹ لانے کی تیاری کر رہا ہے۔ اس ضابطہ کے آنے کے بعد کالج اور یونیورسٹیوں میں بھرتی کے قانون میں تبدیلی آ جائے گی۔ اس ضابطہ کے تحت انٹرپرینیورشپ اسٹارٹ اَپ جیسے نئے شعبوں اور صنعتی پارٹنرشپ کو لے کر جنون رکھنے والے پوسٹ گریجویٹ ڈگری یافتگان کو سیدھے کالج اور یونیورسٹیوں میں بطور فیکلٹی تقرری دی جا سکے گی۔

یو جی سی کے چیئرمین کی طرف سے دی گئی معلومات کے مطابق اگر کوئی امیدوار گریجویشن، پی جی اور پی ایچ ڈی میں الگ الگ موضوع پڑھتا ہے تو اس کی بھی ٹیچر کے طور پر بھرتی کی جا سکے گی۔

یو جی سی یونیورسٹیوں اور کالجوں میں ٹیچر اور دیگر اکیڈمک اسٹاف کی تقرری کی کم سے کم اہلیت اور طے کیے گئے معیار کو برقرار رکھنے کے 2018 کے ضابطے میں تبدیلی کی تیاری کر رہا ہے۔ پرانے ضابطے کے مطابق ابھی تک 4 سالہ گریجویشن / پوسٹ گریجویشن کے ساتھ پی ایچ ڈی ہونا بھرتی کے لیے کم سے کم اہلیت ہے۔ اس کے ساتھ ہی اس ضابطہ کے مطابق ابھی تک گریجویشن / پوسٹ گریجویشن اور پی ایچ ڈی ایک ہی موضوع سے ہونا لازمی ہے۔ اب اسی میں تبدیلی کے لیے تیاری کی جا رہی ہے۔ گزشتہ 6 مہینے میں اس سلسلے میں تفصیلی طور پر جائزہ لیا گیا ہے اور اس کے بعد ڈرافٹ کو آخری شکل دے دی گئی ہے۔

یو جی سی کے چیئرمین کے مطابق اب تحقیق پر ضرورت سے زیادہ زور دیا جائے گا۔ حالیہ وقت میں ریسرچ کے لیے غیر مصدقہ اور مشتبہ اشاعت سے لیے گئے شواہد پیش کیے جاتے ہیں جس سے چیزیں بہتر ہوکر باہر نہیں آ پا رہی ہیں۔ ایسے میں اس تنگ ذہنیت کو بدلنے کے لیے تحقیق پر ضرورت سے زیادہ کام کیا جائے گا تاکہ آنے والے وقت میں سماج اور صنعت کے لیے ضروری مہارت سے تیار گریجویٹ نوجوان باہر آ سکیں اور ملک کی ترقی میں اپنا اہم کردار ادا کر سکیں۔