آندھرا پردیش کے وجیا نگرم میں دو مسافر ٹرینوں میں تصادم، 6 کی موت، متعدد زخمی

وجیا نگرم: آندھرا پردیش کے وجیا نگرم ضلع میں وشاکھاپٹنم سے رائے گڑھ جانے والی مسافر ٹرین پٹری سے اتر گئی۔ آخری اطلاع موصول ہونے تک ریلوے حکام کو پٹری سے اترنے والی بوگیوں کی تعداد معلوم نہیں ہو سکی تھی۔ رپورٹ کے مطابق اس ٹرین حادثے میں 6 افراد کی موت ہو گئی اور کچھ لوگ زخمی ہو گئے۔ ریسکیو آپریشن جاری تھا اور ریلوے حکام موقع پر پہنچ گئے تھے۔

جائے وقوعہ سے کئی تصاویر بھیامنے آئی ہیں جن میں دیکھا جا سکتا ہے کہ ٹرین کی کچھ بوگیاں پٹری سے اتر گئی ہیں۔ ایسٹ سنٹرل ریلوے کے سی پی آر او کے مطابق وجے نگرم سے رائاگڑا جانے والی ٹرین کے اسی روٹ پر وشاکھاپٹنم سے پالاسا جانے والی مسافر ٹرین سے ٹکرانے کے بعد بوگیاں پٹری سے اتر گئیں۔

وزیر اعلیٰ وائی ایس جگن موہن ریڈی نے فوری راحتی اقدامات کرنے اور وشاکھاپٹنم اور وجیا نگرم کے قریبی اضلاع سے زیادہ سے زیادہ ایمبولینس بھیجنے کے احکامات جاری کئے ہیں۔ زخمیوں کو اچھے علاج کی فراہمی کے لیے قریبی اسپتالوں میں ہر قسم کے انتظامات کرنے کے احکامات دیے گئے ہیں۔

وزیر اعلیٰ نے ریلوے حکام کو حکم دیا کہ وہ محکمہ صحت، پولیس اور ریونیو سمیت دیگر سرکاری محکموں کے ساتھ مل کر فوری امدادی اقدامات کریں اور زخمیوں کو فوری طبی سہولیات کی فراہمی کو یقینی بنائیں۔