مہارشٹرا میں کوئی لاک ڈاؤن نہیں ہوگا اور نہ ہی رات کا کرفیو: ادھو ٹھاکرے

ممبئی: مہاراشٹرا کے وزیر اعلی ادھو ٹھاکرے نے اتوار کے روز کہا کہ وہ ریاست میں کسی تازہ لاک ڈاؤن کے حق میں نہیں ہیں اور نہ ہی شبینہ کرفیو (رات کا کرفیو) کو مسلط کرنے کا ارادہ رکھتے ہیں حالانکہ کورونا وائرس پر مکمل طور پر قابو نہیں پایا جاسکا ہے، لیکن حالات دن بدن بہتر ہو رہے ہے۔

کورونا وائرس میٹرو کار شیڈ سمیت دیگر موضوعات پر منعقدہ ویڈیو کانفرنسنگ کے ذریعے ریاست کے عوام سے خطاب کرتے ہوئے وزیراعلی ادھو ٹھاکرے نے عوام کو ہدایت دی کہ کورونا وائرس کے پھیلاؤ کو روکنے کے لئے اگلے چھ ماہ تک ماسک پہننا لازمی ہوگا۔ ادھو ٹھاکرے نے کہا کہ "روک تھام علاج سے بہتر ہے۔ عوامی مقامات پر ماسک پہننا کم سے کم چھ ماہ تک اپنی عادت بنانا چاہیے۔"

واضح رہے کہ 22 نومبر کو ادھو ٹھاکرے نے ریاست کے عوام سے خطاب کرتے کرتے ہوئے کورونا وائرس کی دوسری لہر کا خدشہ ظاہر کرتے ہوے عوام کو متنبہ کیا تھا اور یہ بھی کہا تھا کہ اگر حالات قابو میں نہہں آئے تو ریاست کو دوبارہ لاک ڈاون کا سامنا کرنا پڑسکتا ہے۔ تازہ صورتحال کے مطابق آج مہاراشٹرا میں 3940 تازہ کووڈ کیسز کا اندراج ہوا جس کے سبب کورونا متاثرین کی کل تعداد 1892707 ہو گئی۔ جبکہ ریاست میں بھر میں وبائی امراض کی وجہ سے 74 اموات کی اطلاع ملی ہے، جس سے ہلاکتوں کی تعداد 48648 ہوگئی ہے۔

دریں اثنا، ممبئی شہر میں 632 نئے کیس رپورٹ ہوئے، جنہوں نے معاملے کی تعداد 286264 کردی، جبکہ اس کی ہلاکتوں کی تعداد 9 نئے اموات کے ساتھ 10980 ہوگئی۔ ریاست نے اب تک 12059235 ٹیسٹ کرائے ہیں۔ مہاراشٹر کے کووڈ- 19 کے اعداد و شمار حسب ذیل ہیں: مثبت معاملات: 1892707، نئے معاملات 3940، اموات کی تعداد: 48648، ڈسچارج مریض: 1781841، فعال معاملات 61095، تشخیص شدہ افراد کی تعداد : 12059235 ہے۔