مفرور تاجر میہُل چوکسی کو لینے کے لئے گئی ٹیم ڈمینیکا سے خالی ہاتھ واپس، جانیں کیوں!

نئی دہلی: میہل چوکسی کو ہندوستان واپس لانے کی کوششیں کامیاب نہیں ہو پائی اور اس حوالہ سے نجی طیارے کے ذریعے ڈومینیکا بھیجی گئی ٹیم خالی ہاتھ ہندوستان لوٹ آئی ہے۔ اطلاعت کے مطابق مفرور تاجر میہل چوکسی کی حوالگی سے متعلق دستاویزات کے ساتھ ڈومینیکا بھیجے گئے طیارے نے مقامی وقت کے مطابق جمعرات کی صبح 8.10 بجے ڈومینیکا سے پرواز بھری۔

ذرائع کے مطابق میہل چوکسی ابھی ڈومینیکا کے ایک اسپتال میں زیر علاج ہے۔ خیال رہے کہ ہندوستان میں پیدا ہونے والے میہل چوکسی نے انٹیگوا کی شہریت حاصل کر لی ہے۔ 23 مئی کو وہ ڈومینیکا میں پکڑا گیا تھا۔ اس پر غیر قانونی طریقہ سے ڈومینیکا میں داخل ہونے کا الزام ہے اور اس معاملہ کی عدالت میں سماعت بھی ہو رہی ہے۔

ہندوستان افسران کی ایک تیم اسپیشل جیٹ کے ذریعے ڈومینیکا پہنچی تھی تاکہ میہل چوکسی کو ہندوستان لایا جا سکے اور عدالت میں دلائل پیش کئے جا سکیں۔ اب تازہ صورت حال کے مطابق اب میہل چوکسی کا اگلے مہینے تک ہندوستان واپس لایا جانا ممکن نہیں ہے۔ جمعرات کے روز ڈومینیکا کی عدالت نے اس معاملہ پر سماعت ملتوی کر دی تھی، اب مانا جا رہا ہے کہ اگلی سماعت یکم جولائی کو کی جائے گی۔

ڈومینیکا میں میہل چوکسی کے تعلق سے دو الگ الگ عدالتوں میں مقدمات چل رہے ہیں۔ ایسی صورتحال میں یہ کہا جا رہا ہے کہ جب تک یہ معاملات ختم نہیں ہوتے ہیں، اس وقت تک چوکسی کا ہندوستان آنا مشکل ہے۔ جمعرات کو ڈومینیکا کی عدالت نے اس معاملے میں سماعت ملتوی کر دی تھی، اب خیال کیا جا رہا ہے کہ اگلی سماعت یکم جولائی کو ہوگی۔

خیال رہے کہ پی این بی گھوٹالہ معاملہ میں ملزم میہل چوکسی 4 جنوری 2018 کو اپنے بھتیجے نیرو مودی کے ہمراہ ہندوستان سے فرار ہو گیا تھا۔ اس نے جنوری 2018 میں ہندوستان سے فرار ہونے سے پہلے 2017 میں ہی کیریبین جزیرے ککے شہر اینٹیگوا باربوڈا کی شہریت حاصل کی تھی۔