تمل ناڈو میں خوفناک حادثہ، فیکٹری میں کیمیکل ٹینک ٹوٹنے سے افرا تفری

تمل ناڈو کے رانی پیٹ ضلع میں ایک خوفناک حادثہ پیش آیا ہے۔ یہاں ایک کیمیکل فیکٹری میں کیمیکل ٹینک ٹوٹ گیا جس کے بعد افرا تفری پھیل گئی۔ اچھی بات یہ ہے کہ اس حادثہ میں ابھی تک کسی کے ہلاک یا زخمی ہونے کی اطلاع موصول نہیں ہوئی ہے۔ خبر ملتے ہی فائر بریگیڈ جائے وقوع پر پہنچ گئی اور فوری طور پر دھوئیں پر قابو بھی پا لیا گیا ہے۔

رانی پیٹ فائر بریگیڈ محکمہ کے افسر نے اس حادثہ کے بارے میں جانکاری دیتے ہوئے بتایا کہ فائر بریگیڈ کے افسران نے دھوئیں پر کامیابی کے ساتھ قابو پا لیا ہے۔ اس واقعہ میں کسی بھی فیکٹری ملازم کے زخمی ہونے کی جانکاری نہیں ملی ہے۔ موصولہ اطلاع کے مطابق حادثہ کے فوراً بعد مقامی لوگوں نے پولیس اور فائر بریگیڈ محکمہ کو جانکاری دی۔ فائر بریگیڈ کی ٹیم نے جائے حادثہ پر پہنچ کر احتیاط کے ساتھ حالات کو قابو میں کر لیا۔