کیا یدی یورپا کی کرسی بچے گی؟ سپریم کوٹ میں فیصلہ آج

تمام آئینی تقاضوں کو بالائے طاق رکھ کر کرناٹک کے گورنر وجو بھائی والا نے بی جے پی رہنما بی ایس یدی یورپا کو وزیر اعلیٰ عہدے کا حلف تو دلوا دیا لیکن ابھی ان کو لے کر تذبذب کی صورت حال برقرار ہے۔ جوکہ انہیں آج صبح 10.30 بجے سپریم کورٹ میں ثابت کرنا ہوگا کہ ان کے پاس اکثریت کے لئے ضروری ارکان کی حمایت حاصل ہے۔

جمعرات کو انہیں حلف دلوایا گیا لیکن ان کے حلف لینے سے تقریباً 4 گھنٹے قبل سپریم کورٹ نے نصف رات سے صبح 5 بجے تک چلی سنوائی میں حکم دیا تھا کہ یدی یورپا جمعہ کی صبح عدالت کھلتے ہی اپنے حامی ارکان اسمبلی کی فہرست دستیاب کرائیں۔

سپریم کورٹ میں اس معاملہ کی سماعت 3 ججوں کی بنچ کرے گی۔ اس بنچ میں جسٹس اے کے سیکری، جسٹس اشوک بھوشن اور جٹس ایس اے بوڈبے شامل ہیں۔ یدی یورپا کو سپریم کورٹ میں اپنے وہ دنوں لیٹر بھی سونپنے ہیں جو انہوں نے 15 اور 16 مئی کو گورنر کو سونپے تھے۔

واضح رہے کہ کرناٹک میں 222 سیٹوں پر انتخابات ہوئے تھے جن میں بی جے پی کو 104، کانگریس کو 78 اور جے ڈی ایس کو 38 سیٹیں حاصل ہوئیں۔

میڈیا میں خبر تھی کہ دو آزاد امیدواروں میں سے ایک نے بی جے پی کو حمایت دینے کا اعلان کیا تھا لیکن جمعرات کے روز اس ارکان اسمبلی کو اسمبلی کے سامنے کانگریس اور جے ڈی ایس کی طرف سے دئیے گئے دھرنے میں دیکھا گیا۔