عمان کے قریب سمندر میں بحری جہاز ڈوب گیا، جہاز میں سوار 13 ہندوستانیوں کا تاحال کوئی سراغ نہیں
عمان کے قریب سمندر میں تقریباً 117 میٹر لمبا تیل کا جہاز ڈوب گیا ہے۔ اس جہاز پر کل 16 افراد سوار تھے جن میں سے 13 ہندوستانی ہیں۔ ان کے بارے میں ابھی تک کچھ نہیں پتہ لگا ہے۔
![<div class="paragraphs"><p>فائل علامتی تصویر آئی اے این ایس</p></div>](https://media.assettype.com/qaumiawaz%2F2024-07%2F2956582a-ea07-413c-bc25-a75be6c5f36b%2FSubmarine.jpg?rect=0%2C0%2C570%2C321&auto=format%2Ccompress&fmt=webp)
فائل علامتی تصویر آئی اے این ایس
عمان سے ایک بڑی خبر سامنے آئی ہے جس کے مطابق یمن کی طرف جانے والا آئل ٹینکر جہاز سمندر میں ڈوب گیا ہے۔ عمان کے میری ٹائم سیکیورٹی سینٹر کے مطابق اس آئل ٹینکر کا نام پریسٹیج فالکن بتایا جاتا ہے جس پر سوار عملے کے 16 ارکان کا تاحال کوئی سراغ نہیں مل سکا۔ اس تیل کے جہاز پر سوار عملے کے 16 ارکان میں سے 13 ہندوستانی اور تین سری لنکا کے شہری بتائے جاتے ہیں تاہم وہ کہاں اور کس حالت میں ہیں اس کی کوئی خبر نہیں ملی ہے۔
عمان کے میری ٹائم سیکیورٹی سینٹر کے مطابق تیل کے اس جہاز پر مشرقی افریقی ملک کوموروس کا جھنڈا تھا۔ منگل کو یہ آئل ٹینکر عمان کی مرکزی صنعتی دوقم بندرگاہ کے قریب ڈوب گیا تھا اور ابھی تک عملے کے ارکان کا کوئی سراغ نہیں مل سکا ہے۔
نیوز پورٹل ’اے بی پی‘ پر شائع خبر کے مطابق یہ ٹینکر یمن کی طرف جا رہا تھا کہ دوقم بندرگاہ کے قریب الٹ گیا۔ ٹینکر کے الٹنے کی اطلاع ملتے ہی مقامی حکام نے سرچ اینڈ ریسکیو آپریشن شروع کیا تاہم تازہ ترین معلومات کے مطابق ٹینکر میں سوار افراد کے بارے میں کچھ پتہ نہیں چل سکا۔ میڈیا رپورٹس میں بتایا جا رہا ہے کہ ڈوبنے والا ٹینکر تقریباً 117 میٹر لمبا ہے اور اسے سال 2017 میں بنایا گیا تھا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔