بہار بھی خصوصی درجہ یا خصوصی پیکیج سے ترقی یافتہ ریاست بنے گا: چودھری
اشوک چودھری نے کہا کہ 2005 کے بعد بہار میں وزیر اعلیٰ نتیش کمار کے دور میں لاکھوں پل بنائے گئے۔ بعض واقعات کی بنیاد پر حکومت پر سوال اٹھانا مناسب نہیں۔
![<div class="paragraphs"><p>فائل تصویر آئی اے این ایس</p></div>](https://media.assettype.com/qaumiawaz%2F2024-07%2Fc66feb3a-9438-4b99-aa1d-e604755c4eb8%2FNitish%20and%20Lallan%20Singh.jpg?rect=0%2C0%2C1303%2C733&auto=format%2Ccompress&fmt=webp)
فائل تصویر آئی اے این ایس
بہار کے دیہی امور کے وزیر اور جنتا دل یونائیٹڈ (جے ڈی یو) کے سینئر رہنما اشوک چودھری نے کہا کہ بہار کو خصوصی درجہ یا خصوصی اقتصادی پیکیج ملنے سے بہار بھی ترقی یافتہ ریاستوں کے زمرے میں شامل ہو جائے گا۔
جمعہ کو جے ڈی یو کے ریاستی دفتر میں عوامی سماعت کے پروگرام میں صحافیوں سے بات چیت کرتے ہوئے اشوک چودھری نے کہا کہ محدود وسائل کے باوجود وزیر اعلیٰ نتیش کمار نے بہار کو سب سے تیزی سے ترقی کرنے والی ریاست بنایا ہے۔ اگر ہمیں خصوصی ریاست کا درجہ یا خصوصی اقتصادی پیکیج ملتا ہے تو یقیناً بہار بھی ترقی یافتہ ریاستوں کے زمرے میں شامل ہو جائے گا۔
اسمبلی میں اپوزیشن رہنما تیجسوی یادو کے الزامات کا جواب دیتے ہوئے وزیر نے کہا کہ تیجسوی یادو کے پاس 17 ماہ سے دیہی کام کا محکمہ تھا لیکن انہوں نے پلوں اور پلیوں کی حفاظت کے لیے کوئی نئی پالیسی نہیں بنائی۔
اشوک چودھری نے کہا کہ 2005 کے بعد بہار میں وزیر اعلیٰ نتیش کمار کے دور میں لاکھوں پل بنائے گئے۔ بعض واقعات کی بنیاد پر حکومت پر سوال اٹھانا مناسب نہیں۔ ہماری حکومت حساس ہے اور جس بھی انجینئر یا افسر کی غفلت سامنے آئے گی اسے بخشا نہیں جائے گا۔ انہوں نے کہا کہ ریاست کی ہمہ جہت ترقی ہی مسٹر نتیش کمار کی سیاسی زندگی کا واحد مقصد ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔