معیشت بچانے کے لئے سنجیدہ اقدامات اٹھائے حکومت: سونیا

کانگریس کی چیئرپرسن سونیا گاندھی نے وزیراعظم نریندر مودی سے کہا ہے کہ وہ معیشت بچانے کے لئے سنجیدہ کوشش کریں ۔ انہوں نے کہا کہ کرونا کے خلاف جاری جنگ میں معیشت کی بگڑتی صورت حال کو بڑا چیلنج ہے اور اسے پٹری پر لانے کے لئے سنجیدہ کوششیں کئے جانے کی ضرورت ہے ۔

محترمہ گاندھی نے سنیچر کو مسٹرمودی کو اس معاملے میں ایک خط لکھا اور کہا کہ کرونا کو پھیلنے سے روکنے کے لئے گزشتہ پانچ ہفتوں سے جاری لاک ڈاؤن کی وجہ سے ملک کے سامنے کئی چیلنج پیدا ہوگئے ہیں۔ کووڈ۔19 کے خلاف اس جنگ میں ہماری معیشت ایک مسئلہ بن گئی ہے جس پر فوری توجہ دے کر اسے حل کرنے کی سخت ضرورت پر زور دیا۔

انہوں نے وارننگ دی کہ اگر اس مسئلہ کو نظرانداز کردیا گیا تو ملک کی معیشت پر اسکے نہایت سنگین اثرات ہوں گے اور اس سے نمٹنا حکومت کے لئے بڑا چیلنج بن جائے گا۔ انہوں نے حکومت کو مشورہ دیا کہ اس بحران سے نمٹنے کے لئے سب سے پہلے چھوٹے، مائیکرو اور متوسط صنعتوں (ایم ایس ایم ای) میں جان پھونکنے کی ضرورت ہے اور اس کے لئے ایک لاکھ کروڑ روپے کے ’کریڈیٹ گارنٹی فنڈ‘ کی تشکیل کرکے اس شعبہ میں فوری لیکوڈیٹی لانے اور صنعتوں کو ضرورت پڑنے پر مناسب سرمایہ فراہم کرانے کا نظم کرنا چاہئے۔