سونیا گاندھی نے عآپ کے رکن پارلیمنٹ سنجے سنگھ سے کی ملاقات، یکجہتی کا اظہار کیا

نئی دہلی: کانگریس پارلیمانی پارٹی (سی پی پی) کی چیئرپرسن سونیا گاندھی نے بدھ کے روز عام آدمی پارٹی کے رکن پارلیمنٹ سنجے سنگھ سے ملاقات کی، جنہیں پارلیمنٹ میں مبینہ غیر متزلزل رویے کے لیے مانسون اجلاس سے معطل کر دیا گیا ہے۔ سونیا گاندھی نے سنجے سنگھ سے کہا کہ ’’ہم آپ کی مکمل حمایت کرتے ہیں۔‘‘

خیال رہے کہ سنجے سنگھ کو مانسون اجلاس کی بقیہ نشستوں کے لیے پیر کو معطل کر دیا گیا تھا۔ وہ ایوان میں منی پور تشدد پر تفصیلی بحث کا مطالبہ کر رہے تھے۔ پیر سے وہ پارلیمنٹ کے احاطے میں اپنی معطلی کے خلاف احتجاج کر رہے ہیں۔ سنگھ کے ساتھ انڈین نیشنل ڈیولپمنٹل انکلوسیو الائنس یعنی انڈیا کے کئی ممبران پارلیمنٹ بھی احتجاج میں حصہ لے رہے ہیں۔

اپوزیشن ارکان پارلیمنٹ کے دونوں ایوانوں میں منی پور تشدد پر تفصیلی بحث کا مطالبہ کر رہے ہیں اور وزیر اعظم نریندر مودی سے پارلیمنٹ میں اس معاملے پر بیان دینے کا بھی مطالبہ کر رہے ہیں۔