عام آدمی پارٹی کے رہنما سومناتھ بھارتی نے کئی عہدوں سے دیا استعفیٰ

عام آدمی پارٹی اور انڈیا اتحاد  کے امیدوار سومناتھ بھارتی نے نئی دہلی لوک سبھا سیٹ سے پرچہ نامزدگی داخل کرنے سے پہلے مختلف تنظیموں میں اپنے موجودہ عہدوں سے استعفیٰ دے دیا۔ اس میں دہلی ڈیولپمنٹ اتھارٹی (ڈی ڈی اے) کی رکنیت اور ڈی جے بی یعنی دہلی جل بورڈکے وائس چیئرمین کا عہدے شامل ہیں ۔

ہندوستان کے آئین کے مطابق، امیدوار نامزدگی داخل کرنے کے وقت منافع کا کوئی عہدہ نہیں رکھ سکتا۔ حالانکہ ملک کے قوانین کے مطابق یہ عہدے منافع بخش عہدوں کے زمرے میں نہیں آتے لیکن سومناتھ بھارتی نے ان عہدوں سے استعفیٰ دینے کا انتخاب کیا ہے۔

نئی دہلی لوک سبھا سیٹ سے انڈیا  اتحاد کے امیدوار سومناتھ بھارتی نے اپنا استعفیٰ پیش کرتے ہوئے لکھا، "مجھے یہ بتاتے ہوئے خوشی ہو رہی ہے کہ میں 25 مئی کو ہونے والے انتخابات کے لیے نئی دہلی کے پارلیمانی حلقے سے 4 مئی 2024 کو اپنا پرچہ نامزدگی داخل کروں گا۔‘‘ انہوں نے مزید کہا کہ اس وقت میں ڈی ڈی اے اتھارٹی کا ممبر ہوں، دہلی جل بورڈ (ڈی جے بی) کا وائس چیئرمین اور دہلی اسمبلی کے ذریعہ نامزد کردہ دہلی جیلوں کے بورڈ آف وزیٹرز کا غیر سرکاری رکن ہوں۔

سومناتھ بھارتی نے کہا کہ درخواست دہندہ نامزدگی داخل کرنے کے وقت منافع کا کوئی عہدہ نہیں رکھتا تھا۔ آیا یہ پوسٹس منافع بخش پوسٹوں کے لیے اہل ہیں یا نہیں اور اس معاملے میں کوئی ابہام نہیں ہونا چاہیے۔ اور یہ بھی کہ الیکشن کمیشن کے کسی نہ کسی بنیاد پر بی جے پی کے حق میں متعصبانہ رویہ کے پیش نظر میں اس عہدے سے فوری طور پر مستعفی ہو رہا ہوں۔

انہوں نے اپنے خط میں یہ بھی لکھا کہ برائے مہربانی تمام عہدوں سے میرا استعفیٰ فوری طور پر قبول کریں اور سرٹیفکیٹ جاری کریں کہ جب سے میں نے یہ خط آپ کے دفتر میں جمع کرایا ہے تب سے میرا استعفیٰ قبول کر لیا گیا ہے۔