دہلی میں کورونا انفیکشن کے 63 نئے معاملے

قومی دارالحکومت دہلی میں گزشتہ 24 گھنٹوں کے دوران جمعرات کے مقابلے جمعہ کے دن کورونا انفیکشن کے معاملات زیادہ تھے۔جمعرات کے روز دارالحکومت میں کورونا انفیکشن کے 51 معاملات کی تصدیق ہوئی جبکہ جمعہ کو 63 نئےمعاملے سامنے آئے۔

کل دہلی میں کورونا انفیکشن کی وجہ سے کوئی شخص ہلاک نہیں ہوا جبکہ آج اس وبا کے انفیکشن سے تین مریضوں کی موت ہوگئی۔ دارالحکومت میں سرگرم معاملات کی تعداد 26 سے بڑھ کر 580 ہوگئی ہے۔

گزشتہ 24 گھنٹوں کے دوران دارالحکومت میں کورونا انفیکشن کے 63 نئے کیسز سامنے آنے کے بعد متاثرہ افراد کی کل تعداد بڑھ کر 14،36،207 ہو گئی اور مزید تین مریضوں کی موت کی وجہ سے اموات کی تعداد بڑھ کر 25،052 ہو گئی۔ اموات کے لحاظ سے دہلی ملک میں چوتھے نمبر پر ہے۔
محکمہ صحت کی جانب سے آج جاری کردہ بلیٹن کے مطابق دارالحکومت میں انفیکشن کی شرح بڑھ کر 0.09 فیصد ہوگئی ہے اور شرح اموات 1.74 فیصد پربرقرار ہے۔

دہلی میں اس عرصے کے دوران کورونا وبا کے انفیکشن سے 34 مریض ہی صحت یاب ہوئے جبکہ گزشتہ روز 70 مریضوں نے کورونا انفیکشن کو شکست دی تھی۔ دارالحکومت میں صحت یاب ہونے والوں کی کل تعداد بڑھ کر 14،10،575 ہوگئی ہے۔

دہلی میں گزشتہ 24 گھنٹوں کے دوران 70،111 نمونوں کی جانچ کی گئی، جن میں آرٹی پی سی آر کے 46،649 نمونے اورریپڈ اینٹیجن نمونوں کی تعداد 23462 ہے۔ دارالحکومت میں اب تک ویکسین کے کل 98،94،030 ڈوزلگ چکے ہیں۔ گذشتہ 24 گھنٹوں کے دوران دارالحکومت میں 72505 افراد کو کورونا وائرس کاٹیکہ لگایا گیا، جن میں سے کورونا ویکسین کی پہلی خوراک لینے والوں کی تعداد 13535 اوردوسرے ڈوز لینے والوں کی تعداد 58970 رہی۔ دہلی میں ہوم آئیسولیشن میں رہنے والوں کی تعداد 177 ہے۔

قابل ذکر ہے کہ کورونا کی دوسری لہر کے دوران دہلی میں 20 اپریل کو ایک دن میں انفیکشن کے سب سے زیادہ 28395 معاملے درج کئے گئے تھے۔