دہلی میں کورونا کے مریضوں کی تعداد میں معمولی اضافہ

قومی دارالحکومت دہلی میں جمعہ کے روز کورونا انفیکشن کے نئے معاملوں میں اضافہ دیکھا گیا۔ گزشتہ 24 گھنٹوں کے دوران کورونا انفیکشن کے 58 نئے کیس سامنے آنے کے بعد ، متاثرہ افراد کی مجموعی تعداد 14،35،778 ہوگئی اور ایک اور مریض کی موت کے ساتھ مرنے والوں کی تعداد 25،041 ہوگئی۔ دہلی میں فعال کیسز کم ہو کر اب 573 ہیں۔

محکمہ صحت کے ذریعہ کل جاری کردہ بلیٹن کے مطابق دارالحکومت میں انفیکشن کی شرح معمولی بڑھ کر 0.09 فیصد ہوگئی اور اموات کی شرح 1.74 فیصد پر برقرار ہے۔دہلی مرنے والوں کے معاملے میں چوتھے نمبر پر ہے۔

اس عرصے کے دوران ، دہلی میں مزید 69 مریضوں نے کورونا وائرس وبا کو شکست دی اور اس کے بعد صحت یاب ہونے والوں کی تعداد بڑھ کر 14،10،164 ہوگئی۔

واضح رہے کہ کورونا کی دوسری لہر کے دوران ، 20 اپریل کو دہلی میں ایک ہی دن میں سب سے زیادہ 28،395 معاملے ریکارڈ کیے گئے تھے۔